Varun Tej: మెగా ప్రిన్స్ వరుణ్ తేజ్ న‌టించిన తాజా చిత్రం `గ‌ని`. కిరణ్ కొర్రపాటి ద‌ర్శ‌క‌త్వం వ‌హించిన ఈ చిత్రంలో సయీ మంజ్రేకర్ హీరోయిన్‌గా న‌టించ‌గా.. ఉపేంద్ర, సునీల్ శెట్టి కీల‌క పాత్ర‌ల‌ను పోషించారు. బాక్సింగ్ నేప‌థ్యంలో రూపుదిద్దుకున్న ఈ చిత్రాన్ని అల్లు అరవింద్ స‌మ‌ర్ప‌ణ‌లో రెన‌సాన్స్ ఫిలింస్‌, అల్లు బాబీ కంపెనీ బ్యానర్ల పై సిద్ధు ముద్ద, అల్లు బాబీ నిర్మించారు.
ఎప్పుడో షూటింగ్ కంప్లీట్ చేసుకున్న ఈ చిత్రం అనేక వాయిదాల అనంత‌రం ఏప్రిల్ 8న గ్రాండ్‌గా విడుద‌ల కాబోతోంది. ఇప్ప‌టికే విడుద‌లైన పోస్ట‌ర్స్‌, టీజ‌ర్‌, ట్రైల‌ర్‌, పాట‌లు సినిమాపై మంచి అంచ‌నాల‌ను పెంచ‌గా.. మ‌రింత హైప్ క్రియేట్ చేసేందుకు మేక‌ర్స్ జోరుగా ప్ర‌మోష‌న్స్ చేస్తున్నారు.
ఇందులో భాగంగానే ఓ ఇంట‌ర్వ్యూలో పాల్గొన్న వరుణ్ తేజ్.. త‌న మ‌న‌సులో ఉన్న ఓ బిగ్ సీక్రెట్ రివిల్ చేశాడు. ఇంత‌కీ వరుణ్ ఏం చెప్పాడంటే.. `పెదనాన్న చిరంజీవి, బాబాయి పవన్ కల్యాణ్‌తో కలసి సినిమా చేయాల‌ని ఉంది. మా కాంబినేషన్లో సినిమా చూడడానికి ఫ్యాన్స్ మాత్ర‌మే కాదు, నేను కూడా చాలా ఆసక్తిగా ఎదురుచూస్తున్నాను. ఎప్ప‌టి నుంచో అందుకు తగ్గ కథ కోసం అన్వేషిస్తున్నాం` అంటూ వరుణ్ చెప్పుకొచ్చారు.
ఏదేమైనా చిరు, పవన్, వరుణ్ కాంబినేషన్లో సినిమా వ‌స్తే.. అది ఖ‌చ్చితంగా మెగా ఫ్యాన్స్‌కి క‌న్నుల పండ‌గే అవుతుంది. కాగా, `గ‌ని` చిత్రంలో వరుణ్ తేజ్ బాక్స‌ర్‌గా క‌నిపించ‌బోతున్నాడు. అలాగే ఈ సినిమా కోసం వరుణ్ తేజ్ సిక్స్ ప్యాక్ బాడీని పొందేందుకు భారీగా చెమటోడ్చాడు. ఇందుకు సంబంధించిన వీడియోలు సైతం ఇప్ప‌టికే బ‌య‌ట‌కు వ‌చ్చి నెట్టింట వైర‌ల్‌గా మారాయి.
Anchor Shyamala: యాంకర్ శ్యామలని చెప్పుతో కొట్టాలి.. శ్యామల పై నటుడు ఫైర్..!