Will Smith: ఈ ఏడాది ఆస్కార్ వేడుకల సమయంలో కమెడియన్ వ్యాఖ్యాత క్రిస్ రాక్ …ఆస్కార్ స్టేజి పై అందరూ చూస్తుండగా విల్ స్మిత్ భార్యపై కామెడీ చేయడంతో.. అతని చెంప పగిలేలా విల్ స్మిత్ అందరు చూస్తుండగానే కొట్టడం తెలిసిందే. ఈ వీడియో ప్రపంచ వ్యాప్తంగా సంచలనం రేపింది. విల్ స్మిత్ ఒక్కసారిగా అలా రియాక్ట్ కావటంతో క్రిస్ రాక్ కూడా ఏమీ మాట్లాడలేని పరిస్థితి లోకి వెళ్ళిపోయాడు. ఈ క్రమంలో విల్ స్మిత్ వ్యవహరించిన తీరు పట్ల హాలీవుడ్ సెలబ్రిటీలు ఘాటుగా రియాక్ట్ కావడం జరిగింది. పరిస్థితి ఇలా ఉంటే.. తాజాగా ఆస్కార్ అవార్డు అకాడమీ సంఘం.. విల్ స్మిత్ పై 10 సంవత్సరాల పాటు నిషేధం విధించింది. ఆస్కార్ అవార్డులతో పాటు అకాడమీ అవార్డు వేడుకలలో కూడా విల్ స్మిత్ పాల్గొనకూడదు అని నిషేధం విధించడం జరిగింది.
నిన్నటి నుండి వ్యక్తిగతంగా లేదా వర్చువల్ విధానంలో ఆస్కార్ అవార్డు తోపాటు అకాడమీ అవార్డుల వేడుకలలో 10 సంవత్సరాలు జాయిన్ అవ్వకూడదు అంటూ బోర్డ్ అకాడమీ గవర్నర్లు ఆదేశాలు జారీ చేశారు. ఇక ఇదే సమయంలో హాలీవుడ్ ఇండస్ట్రీలో చాలా మంది నిర్మాతలు మరియు డైరెక్టర్ లు.. విల్ స్మిత్ తో… చేయాలన్న ప్రాజెక్టులను కూడా క్యాన్సిల్ చేసుకున్నట్లు వార్తలు వస్తున్నాయి.
ఏది ఏమైనా అందరూ చూస్తుండగా అత్యంత ప్రతిష్టాత్మక అవార్డుల వేడుక ఆస్కార్ స్టేజీపై.. కమెడియన్ చేసిన హాస్యాన్ని విల్ స్మిత్ చాలా సీరియస్ గా తీసుకోవటం..అతని చెంపదెబ్బ కొట్టడం..హాలీవుడ్ లో అభ్యంతర కరంగా మారింది. అయితే చెంప దెబ్బ కొట్టిన అనంతరం..క్రిస్ కి అకాడమీ కి.. స్మిత్ బహిరంగంగానే క్షమాపణలు తెలియజేశారు. అంతేకాదు అకాడమీ సభ్యత్వానికి కూడా రాజీనామా చేశారు. ఎలాంటి శిక్ష విధించిన సిద్ధమని ప్రకటించారు. ఈ నేపథ్యంలో అకాడమీ గవర్నర్ లు… విల్ స్మిత్ పై 10 సంవత్సరాల పాటు వేటు వేయటం.. హాలీవుడ్ ఇండస్ట్రీలో సంచలనంగా మారింది.