టాలీవుడ్ ఎన‌ర్జిటిక్ స్టార్ రామ్ పోతినేని మ‌ళ్లీ వ‌రుస ఫ్లాపుల్లో మునిగిపోతున్నాడు. `ఇస్మార్ట్ శంక‌ర్‌`తో స‌క్సెస్ ట్రాక్ ఎక్కి మాస్ హీరోగా అవ‌త‌రించిన రామ్.. ఆ త‌ర్వాత `రెడ్‌`తో ప్రేక్ష‌కుల‌ను ప‌ల‌క‌రించాడు. ఈ సినిమా ప్రేక్ష‌కుల‌ను ఆక‌ట్టుకోలేక‌పోయింది. మొన్నామ‌ధ్య `ది వారియర్`తో ఎలాగైనా హిట్ కొట్టాల‌నే క‌సితో వ‌చ్చాడు.
ఎన్‌.లింగుసామి ద‌ర్శ‌క‌త్వం వ‌హించిన ఈ చిత్రంలో కృతి శెట్టి హీరోయిన్‌గా న‌టించింది. ఆది పినిశెట్టి విల‌న్‌గా చేశాడు. రామ్ కెరీర్‌లోనే తొలిసారి పోలీస్ ఆఫీస‌ర్ గా చేసిన సినిమా ఇది. శ్రీనివాసా సిల్వర్ స్క్రీన్ బ్యానర్‌పై శ్రీనివాసా చిట్టూరి నిర్మించిన ఈ సినిమా జూలై 14న తెలుగు, తమిళ భాష‌ల్లో విడుద‌ల మిశ్ర‌మ స్పంద‌న ద‌క్కించుకుంది.
టాక్ అంతంత మాత్రంగా ఉండ‌టంతో.. బాక్సాఫీస్ వ‌ద్ద క‌లెక్ష‌న్స్ కూడా యావ‌రేజ్‌గానే ఉన్నాయి. ఈ సినిమా వ‌ల్ల బ‌య్య‌ర్లు భారీ నష్ట‌పోయారు. కెరీర్ లో మొదటిసారి రామ్ పోలీస్ పాత్ర ట్రై చేయగా బెడిసికొట్టింది. అయితే ఈ సినిమా ప్ర‌మోష‌న్స్ స‌మ‌యంతో రామ్ ఓ ఇంట‌ర్వ్యూలో మాట్లాడుతూ.. `గ‌తంలో నాలుగైదు పోలీస్ క‌థ విన్నాను. అన్నీ రొటీన్‌గా ఉండ‌టం వ‌ల్ల రిజెక్ట్ చేశా. ది వారియర్ క‌థ విభిన్నంగా ఉండ‌టంతో వెంట‌నే ఓకే చెప్పాను` అని చెప్పుకొచ్చారు.
అయితే ఆస‌క్తిక‌ర విష‌యం ఏంటంటే.. రామ్ రిజెక్ట్ చేసిన పోలీస్ క‌థ‌ల్లో `క్రాక్` కూడా ఒక‌ట‌ని అంటున్నారు. గోపీచంద్ మ‌లినేని, మాస్ మ‌హారాజ్ ర‌వితేజ కాంబోలో వ‌చ్చిన సూప‌ర్ హిట్ మూవీ ఇది. ఈ సినిమా క‌థ మొద‌ట రామ్ వ‌ద్ద‌కే వెళ్ల‌గా.. ఆయ‌న సున్నితంగా నో చెప్పార‌ని తాజాగా ఓ వార్త నెట్టింట షికార్లు చేస్తోంది. దీంతో అభిమానులు అయ్మో రామ్ ఎంత ప‌ని చేశాడు. క్రాక్ వంటి హిట్ మూవీని వ‌దిలేసి, ది వారియర్ వంటి ఫ్లాప్‌ను ప‌ట్టుకున్నాడు అంటూ క‌ల‌వ‌ర ప‌డుతున్నారు.
Brahmamudi: బ్రహ్మముడి లో రుద్రాణి పాత్రలో నటిస్తున్న షర్మిత గౌడ రెమ్యూనరేషన్ ఎంతో తెలుసా..!