హను రాఘవపూడి.. ఈయ‌న గురించి ప‌రిచ‌యాలు అవ‌స‌రం లేదు. `అందాల రాక్షసి`, `కృష్ణ గాడి వీర ప్రేమ గాధ`, `పడి పడి లేచె మనసు` వంటి ప్రేమ క‌థా చిత్రాల‌తో మంచి గుర్తింపు ద‌క్కించుకున్న హను.. రీసెంట్‌గా `సీతారామం`తో ప్రేక్ష‌కుల‌ను ప‌ల‌క‌రించాడు.
మ‌ల‌యాళ స్టార్ దుల్క‌ర్ స‌ల్మాన్, మృణాల్‌ ఠాగూర్ ఇందులో జంట‌గా న‌టిస్తే.. రష్మిక మందన్న, సుమంత్, తరుణ్ భాస్కర్, భుమిక చావ్లా త‌దిత‌రులు కీల‌క పాత్ర‌ల‌ను పోషించారు. యుద్ధ నేప‌థ్యంలోనే అద్భుత‌మైన ప్రేమ క‌థ‌గా రూపుదిద్దుకున్న ఈ చిత్రం.. ఆగ‌స్టు 5న తెలుగు, త‌మిళ్‌, మ‌ల‌యాళ భాష‌ల్లో విడుద‌లై బ్లాక్ బ‌స్ట‌ర్ హిట్‌గా నిలిచింది.
ఆ త‌ర్వాత ఈ చిత్రాన్ని హిందీలో విడుద‌ల చేయ‌గా.. అక్క‌డ సైతం మంచి విజ‌యం సాధించింది. ఇక ఈ మూవీతో విమ‌ర్శ‌కుల నుంచి ప్ర‌శంస‌లు అందుకున్న డైరెక్ట‌ర్ హను రాఘవపూడి.. త‌న త‌దుప‌రి చిత్రాన్ని ఓ మల్టీస్టారర్ గా చేయ‌బోతున్నాడ‌ట. ఇద్దరు స్నేహితుల మధ్య నడిచే కథ ఇది అట.
ఈ మల్టీస్టారర్ మూవీలో న్యాచుర‌ల్ స్టార్ నాని, టాలెంటెడ్ హీరో శ‌ర్వానంద్ లు న‌టించ‌బోతున్నార‌ట. ఇప్ప‌టికే ఆ హీరోల‌తో సంప్ర‌దింపులు సైతం పూర్తి అయ్యాయని.. కథ న‌చ్చ‌డంతో నాని, శ‌ర్వాలు వెంట‌నే ఓకే చెప్పిన‌ట్లు టాక్ న‌డుస్తోంది. అలాగే ఈ మూవీలో నాని, శ‌ర్వాల‌ను హిందూ-ముస్లిమ్ యువకులుగా హను చూపించ‌బోతున్నార‌ట. త్వరలోనే ఈ మూవీపై అధికార‌క ప్ర‌క‌ట‌న సైతం రానుందంటూ వార్త‌లు వ‌స్తున్నాయి.
Baahubali: సరికొత్త కథతో ఓటీటీలోకి వచ్చేస్తున్న బాహుబలి.. రిలీజ్ డేట్ ఇదే..!