టీడీపీలో బాబు కనుసైగలతోనే తమ నాయకులను నడిపిస్తుంటారు.. ఇంకా గట్టిగా మాట్లాడితే తాను నిలబెట్టిన స్పీకర్లు కూడా అలానే నడిచారనే విమర్శలూ వచ్చాయి. కానీ మిగిలిన నేతలంతా ఒకెత్తు ఒక టీడీపీ నేత మరొకెత్తు! ఆయనే… గంటా శ్రీనివాస రావు. మిగిలిన నేతలంతా బాబు కనుసైగలు చేస్తే చాలు పనులుచేసుకుంటూ వెళ్లిపోతున్న దశలో… బాబు నోరు తెరిచి అరిచినా, గీపెట్టినా గంటా శ్రీను వినరు, ఆచరించరు.. ఆ చెవితో విని ఈ చెవితో వదిలేస్తారు!! అవును… ఒక్కసారి జరిగినవాటిలో కొన్ని తలచుకున్నా ఈ విషయాలపైనా.. పైన చెప్పుకున్న ఉపోద్ఘాతంపైనా ఒక క్లారిటీ వచ్చేస్తుంది!
ఒకపార్టీ గుర్తుమీద ఎమ్మెల్యేగా గెలిచినప్పుడు.. ఆ అధినేత మాటే శిరోధార్యంగా ఉంటారు సదరు ఎమ్మెల్యేలు! ఆయనను ఎవరైనా ఒక్కమాట అంటే… ప్రెస్ మీట్ లు పెట్టి, మైకులు చేతపట్టి ఫుల్ హడావిడి చేస్తారు! ఇక అధినేతే స్వయంగా ఒక పని అప్పచెబితే… ఆ పనిలో ఎన్ని మార్కులు కొట్టేయాలా అని ప్లాన్స్ చేసుకుంటారు. ఇదంతా మిగిలిన నేతల పరిస్థితి… కాని గంటా శ్రీనివాసరావు పరిస్థితి వేరు!
విశాఖలో పవన్ లాంగ్ మార్చ్ జరిగితే దానికి టీడీపీ తరఫున వెళ్లమంటే గంటా శ్రీనివాసరావు వెళ్లలేదు. ఇసుక పోరాటం కానీ, ఇంగ్లీష్ మీడియం విషయంలో కానీ విశాఖలో జరిగిన గ్యాస్ లీక్ ఘటనలో కానీ గంటా శ్రీనివాసరావు ఎక్కడా పెదవి విప్పలేదు.. సరికదా అవంతి శ్రీనివాస్ లాంటివారు చంద్రబాబుని కూడ కలిపి ఫుల్ గా విమర్శలు గుప్పించెస్తే స్పందించలేదు.. అసలు చంద్రబాబు విశాఖ వచ్చినపుడు కూడా గంటా గైర్హాజర్ అయ్యారు అంటే… బాబునీ అంత లైట్ తీసుకున్నారన్నమాట!!
అన్నీ చేసి.. టీడీపీలో మిగిలిన నేతలు, కార్యకర్తలు, బాబు ఒక క్లారిటీకి వచ్చేసరికి మహానాడు జూమ్ యాప్ మీటింగుకు అటెండ్ అయ్యారు. దాంతో… తలలుపట్టుకునే పరిస్థితి టీడీపీ అధిష్టాణంది! ఆఖరికి అచ్చెన్నాయుడు, జేసీ ప్రభాకర్ రెడ్డి లను అరెస్టు చేసినప్పుడు కూడా మౌనాన్నే తన బాషగా చేసుకున్నారు గంట. ఇవన్నీ చూశాక కూడా ఇంకా గంటా శ్రీనివాస రావుని టీడీపీ నేతే అనాలా లేక టీడీపీలో అసంతృప్త నేత అనాలా… అదీగాక టీడీపీలో ఉన్న విపక్ష ఎమ్మెల్యే అనాలా? ఏమో బాబుకి గంటాకే తెలియాలి!!