Chandrababu: టీడీపీ అధినేత చంద్రబాబును ఉద్దేశించి ఆ ముసలాయన అని సీఎం జగన్మోహనరెడ్డి ఇటీవల కాలంలో చేసిన వ్యాఖ్యలు ఇప్పుడు తప్పులేదని పిస్తొంది. ఎందుకంటే .. చంద్రబాబు ప్రస్తుతం చేస్తున్న విమర్శలు చూస్తుంటే ఆయనకు వయసు పైబడి మతిమరుపు వచ్చిందా అన్న కామెంట్స్ వినబడుతున్నాయి. అధికార పార్టీ ఏది చేసినా విమర్శించాలన్న తలంపే తప్ప అది సద్విమర్శా కాదా అని ఆలోచించడం లేదు. ప్రత్యర్ధి పార్టీలోని అంతర్గత విషయాలపై మాట్లాడాల్సిన అవసరం టీడీపీ అధినేతకు ఎందుకో అర్ధం కావడం లేదని అంటున్నారు.
రీసెంట్ గా వైసీపీ అధినేత, సీఎం వైఎస్ జగన్ పలు నియోజకవర్గాలకు నూతన ఇన్ చార్జిలను నియమించారు. ఈ క్రమంలో ఒక నియోజకవర్గం నుండి మరో నియోజకవర్గాలకు పంపారు. వారిలో ప్రస్తుత వైద్య ఆరోగ్య శాఖ మంత్రి విడతల రజని కూడా ఉన్నారు. గుంటూరు జిల్లా చిలకలూరిపేట నియోజకవర్గానికి ఆమె ప్రాతినిధ్యం వహిస్తుండగా, ఆమెను గుంటూరు పశ్చిమ నియోజకవర్గ పార్టీ ఇన్ చార్జిగా నియమించారు. చిలకూరిపేటకు పార్టీ ఇన్ చార్జిగా మల్లెల రాజేష్ నాయుడును పార్టీ నియమించింది. అభ్యర్ధుల నియోజకవర్గాల మార్పు అనేది పూర్తిగా ఆ పార్టీ అధినేత ఇష్టం. కానీ టీడీపీ అధినేత చంద్రబాబు దీనిపైనా మాట్లాడి విమర్శలు ఎదుర్కొంటున్నారు.
‘నా నలభై అయిదేళ్ల రాజకీయ జీవితంలో ఇలా మంత్రులను ట్రాన్స్ ఫర్ చేయడం చూడలేదు. మంత్రులకు కూడా ట్రాన్స్ ఫర్ లు ఉంటాయని నాకు ఇప్పుడే తెలిసింది’ అని వ్యాఖ్యానించారు చంద్రబాబు. మరి చంద్రబాబు గతంలో చేసిన పని ఆయనకు గుర్తు లేదా అన్న కామెంట్స్ వినబడుతున్నాయి. గత ఎన్నికలకు ముందు చంద్రబాబు కూడా ఇటువంటి ప్రక్రియే చేపట్టారు కదా. కొవ్వురు నుండి నాటి మంత్రి కె జవహర్ ను తప్పించి ఆయనను తిరువూరుకు పంపారు. కొవ్వూరు నియోజకవర్గంలో టీడీపీ నేతలకు, జవహర్ కు మధ్య విభేదాలు తారా స్థాయికి చేరడంతో జవహర్ కు తిరువూరు టికెట్ ఇచ్చారు.
అలానే పాయకరావుపేట నియోజకవర్గంలో అసమ్మతిని ఎదుర్కొంటున్న వంగలపూడి అనితను కొవ్వూరుకు మార్చారు చంద్రబాబు. అలా చాలా నియోజకవర్గాల్లో చంద్రబాబు మార్పులు చేశారు. తను చేస్తే తప్పుకాదు.. అదే ఎదుటి వారు చేస్తే తప్పు అన్నట్లుగా మాట్లాడటం విమర్శలకు దారి తీస్తుంది. ఏ రాజకీయ పార్టీ అయినా అభ్యర్ధుల గెలుపే లక్ష్యంగా వివిధ రకాల వ్యూహాలను అమలు చేస్తుంటాయి. సామాజిక సమీకరణాలను చూసుకుంటే అభ్యర్ధుల మార్పులు, చేర్పులు చేస్తుంటాయి. 40 ఇయర్స్ ఇండస్ట్రీ అని చెప్పుకునే చంద్రబాబు .. ఏ అంశంపై విమర్శలు చేయాలి, మాట్లాడాలి అనేది మరచి ప్రత్యర్ధి పార్టీ అంతర్గత వ్యవహారాలపై మాట్లాడటం విడ్డూరంగా ఉందని అంటున్నారు.
Janasena – TDP: త్యాగరాజులు అవుతారా..? తిరగబడతారా..? టీడీపీలో అంతర్మధనం..!