Aha talk show: న‌ట‌సింహం నంద‌మూరి బాల‌కృష్ణ తొలిసారి హోస్ట్‌గా మారి చేస్తున్న షో `అన్ స్టాపబుల్ విత్ ఎన్‌బీకే`. ప్ర‌ముఖ తెలుగు ఓటీటీ ఆహాలో ప్ర‌సారం అవుతున్న ఈ షో అదిరిపోయే రెస్పాన్స్‌తో విజ‌య‌వంతంగా దూసుకుపోతోంది. ఇప్ప‌టికే ఈ షోలో మోహన్ బాబు, నాని, బ్ర‌హ్మానందం, రానా, విజయ్ దేవరకొండ, రాజమౌళి, అల్లు అర్జున్, రవితేజ, పూరి జ‌గ‌న్నాథ్ త‌దిత‌రులు గెస్ట్‌లుగా పాల్గొన‌గా.. వారంద‌రితోనూ బాల‌య్య ఓ ఆట ఆడుకుని ప్రేక్ష‌కుల‌ను ఫుల్ ఎంట‌ర్‌టైన్ చేశాడు.
ఓటీటీ వేదిక‌గా ప్ర‌సారం అవుతున్న షోస్‌లో బాల‌య్య అన్ స్టాపబుల్ షోనే నంబ‌ర్ వ‌న్ స్థానంలో నిలిచి అద్భుత‌మైన రికార్డుల‌నూ సృస్టించింది. అయితే ఇప్పుడు ఈ షోను మించే టాక్ షోతో వ‌స్తోంద‌ట ఆహా. ఈ టాక్ షోకు హోస్ట్‌గా వ్య‌వ‌హ‌రించ‌బోయే వ్య‌క్తి ఎవ‌రో మీరు అస్స‌లు ఊహించ‌లేరు. ఇంత‌కీ ఎవ‌రో తెలుసా.. విక్ట‌రీ వెంక‌ట‌ష్‌.
వినిపిస్తున్న తాజా స‌మాచారం ప్ర‌కారం.. వెంక‌టేష్‌తో అల్లు అరవింద్ స‌రికొత్త‌గా ఓ టాక్ షోను నిర్వ‌హించేందుకు ప్లాన్ చేస్తున్నార‌ట. ఇప్ప‌టికే హోస్ట్‌గా చేయాల‌ని వెంకీని ఆహా టీమ్ సంప్ర‌దించ‌గా.. అందుకు ఆయ‌న వెంట‌నే ఓకే చెప్పాడ‌ని ప్ర‌చారం జ‌రుగుతోంది. మ‌రి ఈ ప్ర‌చార‌మే నిజ‌మైతే.. త్వ‌ర‌లోనే వెంకీని కూడా వ్యాఖ్యాత‌గా చూసేయ‌వ‌చ్చు.
కాగా, ఇటీవ‌ల నార‌ప్ప, దృశ్యం 2 చిత్రాల‌తో ప్రేక్ష‌కుల‌ను ప‌ల‌క‌రించి డ‌బుల్ హిట్స్‌ను ఖాతాలో వేసుకున్న వెంకీ.. ప్ర‌స్తుతం `ఎఫ్ 3` చిత్రంలో న‌టిస్తున్నాడు. అనిల్ రావిపూడి ద‌ర్శ‌క‌త్వం వ‌హిస్తున్న ఈ చిత్రంలో వ‌రుణ్ తేజ్ మరో హీరోగా న‌టిస్తుండ‌గా.. త‌మ‌న్నా, మెహ్రీన్ హీరోయిన్లుగా న‌టిస్తున్నారు. ఇక ఈ సినిమాతో పాటు వెంక‌టేష్ రానాతో క‌లిసి ఓ వెబ్ సిరీస్ కూడా చేస్తున్నాడు.
