RRR: దిగ్గజ దర్శకుడు రాజమౌళి(Rajamouli) దర్శకత్వంలో తెరకెక్కిన “RRR” మార్చి నెలలో విడుదల అయ్యి బ్లాక్ బస్టర్ విజయం సాధించటం తెలిసిందే. పాన్ ఇండియా నేపథ్యంలో తెరకెక్కిన ఈ చిత్రంలో ఫస్ట్ టైం ఎన్టీఆర్(NTR), చరణ్(Charan) కలిసి నటించడంతో.. ప్రేక్షకులు బ్రహ్మరథం పట్టారు. మరి ముఖ్యంగా “బాహుబలి 2″(Bahubali 2) తర్వాత రాజమౌళి దర్శకత్వంలో తెరకెక్కిన.. సినిమా కావడంతో “RRR” కి థియేటర్ లు దద్దరిల్లిపోయాయి. దాదాపు 1000 కోట్లకు పైగా కలెక్షన్స్ సాధించిన ఈ సినిమా.. ఈ ఏడాది ప్రధమార్థంలో దేశములోనే అతి పెద్ద హిట్ అయిన సినిమాగా నిలిచింది.
“RRR” తరువాత “కేజిఎఫ్ 2″(KGF2) కలెక్షన్ సాధించింది. ఇదిలా ఉంటే రీసెంట్ గా ఐఎండీబీ (ఇంటర్నెట్ మూవీ డాటాబేస్) టాప్ 250 భారతీయ చిత్రాల జాబితా విడుదల చేయటం జరిగింది. అయితే విడుదలైన డేటా ప్రకారం.. అనూహ్యంగా “ఆర్ఆర్ఆర్” ను రెండు కన్నడ చిత్రాలు వెనక్కి నెట్టడం గమనార్హం. దీంతో ఐఎండీబీ (ఇంటర్నెట్ మూవీ డాటాబేస్) జాబితా ప్రకారం “RRR”… 169వ స్థానంలో నిలిచింది.
కన్నడ ఇండస్ట్రీకి చెందిన KGF 2, 777 చార్లీ.. “RRR” నీ వెనక్కి నెట్టి.. అందరికీ షాక్ ఇచ్చాయి. కేజీయఫ్ 2(KGF2), 101వ స్థానంలో నిలువగా.. ఇదే నెలలోనే విడుదలై 777 చార్లీకి 116వ స్థానం దక్కడం విశేషం. ప్రస్తుతం ఇండియన్ ఫిలిం ఇండస్ట్రీలో సౌత్ ఇండస్ట్రీ సినిమాల హవా కొనసాగుతున్న సంగతి తెలిసిందే. ముఖ్యంగా తెలుగువారి సినిమా మాలు బాలీవుడ్ లో బాగా విజయాలు సాధిస్తున్నాయి. ఇటువంటి తరుణంలో రాజమౌళి వంటి గ్రేట్ డైరెక్టర్ తీసిన “RRR” నీ… వెనక్కి నెట్టి రెండు కనడ చిత్రాలు టాప్ లో నిలవడం ఇండియాలో ఈ వార్త సంచలనంగా మారింది.