Pawan Kalyan: పవర్ స్టార్ పవన్ కళ్యాణ్ మంచి జోరుమీద ఉన్న సంగతి తెలిసిందే. ఇటీవలె “బీమ్లా నాయక్” విజయం సాధించటంతో సినిమా యూనిట్ తో మంచి పార్టీ చేసుకోవడం జరిగింది. ఇదే సమయంలో మరో పక్క క్రిష్ దర్శకత్వంలో హరిహర వీరమల్లు సినిమా కంప్లీట్ చేస్తూ ఉన్నారు. అయితే ఈ సినిమా చేస్తూ ఉండగానే ఇప్పుడు హరీష్ శంకర్ దర్శకత్వంలో “భవదీయుడు భగత్ సింగ్” షూటింగ్ స్టార్ట్ చేయడానికి రెడీ అయినట్లు ఫిలింనగర్ టాక్. హరీష్ శంకర్ దర్శకత్వంలో ఈ సినిమా వస్తూ ఉండటంతో పవన్ అభిమానులు భారీ అంచనాలు పెట్టుకున్నారు. గతంలో వీరిద్దరి కాంబినేషన్ లో వచ్చిన “గబ్బర్ సింగ్” బ్లాక్ బస్టర్ హిట్ గా నిలిచింది.
ఈ నేపథ్యంలో ఈ సినిమాలో పవన్ కళ్యాణ్ ని మరింత పవర్ ఫుల్ పాత్రలో చూపించడానికి హరీష్ రెడీ అయినట్లు సమాచారం. ఇదిలా ఉంటే ఈ సినిమాకి సంబంధించి ఫస్ట్ పోస్టర్… పవన్ పుట్టినరోజు సందర్భంగా గత ఏడాది విడుదల చేసిన సంగతి తెలిసిందే. మైత్రి మూవీ మేకర్స్ పతాకంపై భారీ బడ్జెట్ తో తెరకెక్కుతున్న ఈ సినిమాకి దేవిశ్రీ ప్రసాద్ సంగీతం అందిస్తున్నారు. కాలేజీలో పాఠాలు చెప్పే ప్రొఫెసర్ పాత్రలో పవన్ కళ్యాణ్ నీ చూపించడానికి హరీష్ రెడీ అయినట్లు సమాచారం.
ఒకపక్క సమాజం మరోపక్క యువతని బ్యాలెన్స్ చేస్తూ… బాధ్యతగల లెక్చలర్ గా… సమాజంలో చెడుని చెండాడే పవర్ ఫుల్ వ్యక్తిగా పవన్ కళ్యాణ్ ని చూపించడానికి హరీష్ రెడీ అయినట్లు ఇండస్ట్రీలో లేటెస్ట్ టాక్. ఇదిలా ఉంటే గతంలో లో రవితేజ నటించిన “మిరపకాయ్” పవన్ తో చేయాల్సిన ప్రాజెక్టు అని హరీష్ చెప్పడం తెలిసిందే. ఆ సినిమాలో రవితేజ లెక్చరర్ పాత్రలో ఇరగదీశాడు. మిరపకాయ సూపర్ డూపర్ హిట్ అయింది. ఇటువంటి తరుణంలో ఇప్పుడు పవన్ కళ్యాణ్ ని … ఏ డైరెక్టర్ చూపించని రీతిలో లెక్చలర్ పాత్రలో.. హరీష్ చూపించడానికి రెడీ అయినట్లు వార్త రావడం తో పవన్ ఫ్యాన్స్.. ఫుల్ హ్యాపీగా ఉన్నారు.