Zareen Khan : బాలీవుడ్ హీరోయిన్ జరీనా ఖాన్ చూడటానికి అచ్చం బాలీవుడ్ స్టార్ హీరోయిన్ కత్రినా కైఫ్ పోలికలతో ఉంటారు. జరీనా ఖాన్ ని చూడగానే కత్రినా కైఫ్ కు డబ్బింగ్ అన్న విధంగా వీరిద్దరి పోలికలు ఒకే విధంగా ఉంటాయి. అయితే కత్రినా కైఫ్ పోలికలు ఉండటమే ప్రస్తుతం ఆమెను అనేక ఇబ్బందులకు గురి చేస్తోంది అంటూ జరీనా ఖాన్ తన ఆవేదన వ్యక్తం చేశారు. 2010 వత్సరంలో సల్మాన్ ఖాన్ సరసన “వీర్”అనే సినిమా ద్వారా ఇండస్ట్రీలోకి అడుగుపెట్టిన, ఇండస్ట్రీలో మంచి గుర్తింపును సంపాదించుకోలేకపోయింది.
ప్రస్తుతం ఇండస్ట్రీలో అవకాశాలు రాక కేవలం చిన్నచిన్న పాత్రలకే పరిమితమైన జరీనా ఖాన్ ఇండస్ట్రీలోకి అడుగు పెట్టిన మొదట్లో ఈమెను కత్రినాకైఫ్ తో పోల్చారు. అదేవిధంగా కొందరు కత్రినా డూప్ అంటూ ముద్ర కూడా వేశారు.అయితే ఆ కత్రినా పోలికలే తన కొంప ముంచాయి అంటూ తాజాగా ఓ ఇంటర్వ్యూలో జరీనా ఖాన్ తెలియజేశారు. కత్రినా కైఫ్ డూప్ అనే ముద్రను తొలగించుకునే అవకాశం తనకు ఇప్పటివరకు రాలేదని చెప్పారు. తన ఇండస్ట్రీలోకి వచ్చినప్పటి నుంచి కత్రినా పోలికలే తనను ఇబ్బంది పెట్టాయనీ, నన్ను నేనుగా నిరూపించుకునే అవకాశం ఇప్పటివరకు తనకు రాలేదని వాపోయింది.
ఆ సినిమా కోసం బరువు పెరగాలని చెప్పారు:
అప్పట్లో సల్మాన్ ఖాన్ తో నటించిన వీర్ సినిమా కోసం శరీరం పెంచాలని సినిమా మేకర్స్ చెప్పడంతో, తను ఆ పనిలో పడినట్లు తెలిపారు. అయితే కొద్దిగా బరువు పెరగాలని భావించడంతో పూర్తిగా తన శరీర బరువు పెరిగినట్లు ఆమె తెలిపారు. ఒక్కసారిగా నా శరీర బరువు పెరిగినప్పుడు నన్ను “ఫాట్రీనా”అని పిలిచేవారు అంటూ తన ఆవేదన వ్యక్తం చేశారు. ఏ పార్టీకి వెళ్లిన తన బరువు గురించి మాత్రమే మాట్లాడేవారని తన గురించి మంచిగా రాసేవారు కాదంటూ ఆమె ఈ సందర్భంగా తెలిపారు.ఎలాగైనా బరువు తగ్గాలనీ నిశ్చయించుకొని ప్రతి రోజు ఐదు గంటల పాటు వర్కవుట్స్ చేసినా ఎలాంటి ఫలితం లేకుండా పోయింది.నా శరీరాన్ని కష్టపెట్టడం కన్నా నన్ను నేను మానసికంగా దృఢంగా చేసుకోవడం ఉత్తమమని తెలుసుకున్నాను. అప్పటికి 40 కేజీల బరువు తగ్గినా కూడా నా బరువుపై కామెంట్ తగ్గకపోవడంతో తనను ఎంతో ఆశ్చర్యానికి గురి చేసేది అంటూ తన ఆవేదనను జరీనా ఈ సందర్భంగా బయటపెట్టారు.