Guntur Kaaram: సూపర్ స్టార్ మహేష్ బాబు నటించిన “గుంటూరు కారం” సంక్రాంతి పండుగ కానుకగా విడుదల కాబోతోంది. జనవరి 12వ తారీకు విడుదల కాబోతున్న ఈ సినిమాపై అంచనాలు భారీగా నెలకొన్నాయి. మాటల మాంత్రికుడు త్రివిక్రమ్ దర్శకత్వం వహించారు. గతంలో వీరిద్దరి కాంబినేషన్ లో వచ్చిన అతడు మరియు ఖలేజా రెండు సినిమాలు కూడా అభిమానులను అలరించాయి. కానీ థియేటర్లలో మాత్రం అంతగా రెస్పాన్స్ రాలేదు. మహేష్ బాబు ని అప్పటి వరకు ఎవ్వరు చూపించని విధంగా రెండు సినిమాలలో చాలా వేరువేరుగా త్రివిక్రమ్ చూపించాడు. దీంతో ఇప్పుడు “గుంటూరు కారం” ఫుల్ మాస్ సబ్జెక్టు.. కావటంతో.. పాటు చాలాకాలం తర్వాత మహేష్ సిగరెట్ తాగుతూ సినిమాలో నటించడం సినిమాపై అభిమానులకు ఆసక్తిని పెంచేసింది.
చాలా స్ట్రాంగ్ సబ్జెక్టు కావడంతోనే మహేష్.. స్మోకింగ్ చేయడం జరిగిందని ఇండస్ట్రీ వర్గాలు అంటున్నాయి. ఇదిలా ఉంటే ఈ సినిమా ప్రమోషన్ కార్యక్రమాలు మరికొద్ది రోజుల్లో స్టార్ట్ చేయలేకపోతున్నారట. ఆల్రెడీ రెండు పాటలు విడుదల చేయడం జరిగింది. రెండు పాటలకి మంచి రెస్పాన్స్ వస్తూ ఉంది. ఈ క్రమంలో ప్రమోషన్ కార్యక్రమాలలో భాగంగా… “గుంటూరు కారం” సినిమా యూనిట్ బాలకృష్ణ టాకీ షో “అన్ స్టాపబుల్” కి సినిమా యూనిట్ వెళ్లబోతున్నట్లు వార్తలు వస్తున్నాయి. డైరెక్టర్ త్రివిక్రమ్, మహేష్ తో పాటు శ్రీలీలా కూడా… ఈ ఇంటర్వ్యూలో పాల్గొనబోతుందని సమాచారం. ఆల్రెడీ మహేష్ బాబు “అన్ స్టాపబుల్” మొదటి సీజన్ లో వెళ్లడం జరిగింది. మొదటి సీజన్ లో మహేష్ ఎపిసోడ్ రికార్డు స్థాయి వ్యూస్ రాబట్టింది.
అయితే ఇప్పుడు “గుంటూరు కారం” కోసం మరోసారి… బాలకృష్ణ షో కి మహేష్ వెళ్లబోతున్నట్లు వార్తలు వస్తున్నాయి. ఈ క్రమంలో బాలయ్య కూడా సినిమాని సపోర్ట్ చేసే విధంగా… షోలో తనదైన శైలిలో ప్రశ్నలు అడగడానికి రెడీ అవుతున్నట్లు టాక్. ఈ సినిమాలో మహేష్ బాబు గుంటూరు యాసలో డైలాగులు పలుకుతున్నారు. శ్రీలీలా తో పాటు మీనాక్షి చౌదరి..హీరోయిన్ గా నటించింది. వాస్తవానికి ఈ సినిమా ఈ ఏడాది ఏప్రిల్ నెలలో విడుదల కావాల్సింది. కానీ సినిమా షూటింగ్ స్టార్ట్ చేశాక అనేక అవరోధాలు ఎదురయ్యాయి. మహేష్ కుటుంబ సభ్యులు మరణించడంతో పాటు స్టార్టింగ్ హీరోయిన్ అనుకున్న పూజ హెగ్డే మధ్యలోనే డ్రాప్ అయిపోయింది. ఆ రీతిగా ఎన్నో ఆటంకాలను దాటుకుని.. సంక్రాంతి పండుగ కానుకగా జనవరి 12వ తారీకు “గుంటూరు కారం” రిలీజ్ కాబోతోంది.
Mogali Rekulu: మెగా ఫ్యామిలీతో సందడి చేసిన మొగలిరేకులు ఆర్కే నాయుడు.. వైరల్ అవుతున్న ఫొటోస్..!