NewsOrbit
Cinema Entertainment News న్యూస్ సినిమా

Sri Ramadasu: భక్తిరస మహాకావ్యం శ్రీరామదాసు సినిమా గురించి ఈ టాప్ సీక్రెట్స్ మీకు తెలుసా?

Sri Ramadasu: తెలుగువారు ఎంతో ఘనంగా జరుపుకునే పండుగల్లో శ్రీరామనవమి ఒకటి. శ్రీ మహావిష్ణువు ఏడో అవతారమైన శ్రీరాముడు జన్మదినమే రామ నవమిగా జరుపుకుంటారు. నేడు శ్రీరామనవమి కావడంతో దేశవ్యాప్తంగా సీతారాముల కల్యాణాన్ని ఘ‌నంగా జరిపిస్తున్నారు. ప్ర‌జ‌లు భక్తిశ్రద్ధలతో రాముని పూజిస్తున్నారు. ఇకపోతే శ్రీరామనవమికి బుల్లితెరపై సందడి చేసే చిత్రాల్లో శ్రీరామదాసు ముందు వ‌రుస‌లో ఉంటుంది. 2006 నుంచి ఇప్ప‌టి వ‌ర‌కు ప్ర‌తి ఏడాది రామనవమి నాడు ఈ సినిమాను ప్రదర్శిస్తున్నారు. ఎన్ని సార్లు చూసినా మ‌ళ్లీ మ‌ళ్లీ చూడాల‌నిపించే భ‌క్తిర‌స మ‌హాకావ్యం శ్రీ‌రామ‌దాసు. అయితే రామ న‌వ‌మి సంద‌ర్భంగా శ్రీ‌రామ‌దాసు మూవీ గురించి కొన్ని టాప్ సీక్రెట్స్ ఇప్పుడు తెలుసుకుందాం.

సంగీత విద్వాంసుడు, శ్రీ‌రాముడి ప‌ర‌మ భ‌క్తుడు కంచర్ల గోపన్న జీవితం ఆధారంగా శ్రీ‌రామ‌దాసు చిత్రాన్ని తెర‌కెక్కించారు. ద‌ర్శ‌కేంద్రుడు కె.రాఘవేంద్రరావు రచన మరియు దర్శకత్వం వహించారు. కంచ‌ర్ల గోప‌న్నగా టాలీవుడ్ కింగ్ నాగార్జున న‌టిస్తే.. అత‌ని భార్య కమల పాత్ర‌ను స్నేహ పోషించింది. అలాగే అక్కినేని నాగేశ్వర రావు, నాజర్, సుమ‌న్‌, అర్చ‌న‌, శ్రీ‌కాంత్, సుజాత‌, నాగ‌బాబు, సునీల్, ధర్మవరపు సుబ్రహ్మణ్యం, తనికెళ్ల భరణి, బ్ర‌హ్మానందం త‌దిత‌రులు ఇత‌ర ముఖ్య‌మైన పాత్ర‌ల‌ను పోషించారు. ఇటీవ‌ల హ‌నుమాన్ మూవీతో పాన్ ఇండియా స్టార్ గా మారిన తేజ స‌జ్జా శ్రీ‌రామదాసులో నాగార్జున కొడుకుగా అల‌రించాడు.

ఆదిత్య ప్రొడక్షన్స్ బ్యాన‌ర్‌పై పంతం నానాజీ, కొండా కృష్ణంరాజు క‌లిసి నిర్మించిన శ్రీ‌రామ‌దాసు సినిమాకు ఎమ్.ఎమ్.కీరవాణి స్వ‌రాలు అందించాడు. భారీ అంచ‌నాల న‌డుమ 2006 మార్చి 30 విడుద‌లైన ఈ చిత్రం తొలి ఆట నుంచే పాజిటివ్ టాక్ ను సొంతం చేసుకుంది. రామ‌దాసు పాత్ర‌లో నాగార్జున న‌ట‌న ఒక అద్భుతం. కీరవాణి అందించిన సంగీతం సినిమాకు మ‌రో హైలెట్ గా నిలిచింది. రామ‌దాసు క‌థ అందరికీ తెలిసిందే అయినా కూడా ద‌ర్శ‌కేంద్రుడు త‌న మాయాజాలంతో సినిమాను అంద‌రూ మెచ్చేలా తీయ‌డంతో సూప‌ర్ స‌క్సెస్ అయ్యారు.

శ్రీ‌రామ‌దాసు సాంగ్స్ కూడా ప్ర‌త్యేకంగా చెప్ప‌క్క‌ర్లేదు. ప్ర‌తి సాంగ్ కు ప్రేక్ష‌కుల నుంచి విశేష‌మైన స్పంద‌న వ‌చ్చింది. ఈ సినిమాలో రామదాసు కీర్తనలను కొన్ని వాడుకోగా.. కొన్ని పాటలు రాయించారు. అలాగే మూల కథలో కనబడిన గోపన్న ప్రేమ వ్యవహారాన్ని రాఘవేంద్రరావు శ్రీరామదాసులో చేర్చారు. ఆంధ్ర ప్రదేశ్‌లో 173, కర్ణాటకలో 18 , చెన్నైలో రెండు, ముంబయిలో ఒకటి , ఓవర్సీస్‌లో 25 సహా 229 స్క్రీన్‌లలో విడుదలైన శ్రీ‌రామ‌దాసు అన్ని చోట్ల బ్లాక్ బ‌స్ట‌ర్ హిట్ గా నిలిచింది. 67 సెంటర్లలో 100 రోజుల ఆడి రికార్డు సెట్ అయింది.

ఫుల్ ర‌న్ లో ఈ సినిమా రూ. 30 కోట్ల‌కు పైగా వ‌సూళ్ల‌ను సాధించింది. 2006లో శ్రీ‌రామ‌దాసు విడుద‌లైన రోజే శ్రీ‌రామ‌న‌వ‌మి కావ‌డం మ‌రొక విశేషంగా చెప్పుకోవ‌చ్చు. అలాగే చాలా మందికి తెలియ‌ని విష‌యం ఏంటంటే.. శ్రీ‌రామ‌దాసులో నాగార్జున భార్య క‌మ‌ల క్యారెక్ట‌ర్ కు ఫ‌స్ట్ ఛాయిస్ స్నేహ కాదు. రాఘవేంద్రరావు మొదట జ్యోతిక‌ను హీరోయిన్ గా తీసుకున్నారు. అయితే స‌రిగ్గా షూటింగ్ స్టార్ట్ అయ్యే స‌మ‌యానికి జ్యోతిక, సూర్య‌ల వివాహం నిశ్చ‌య‌మైంది. పెళ్లి ప‌నుల్లో బిజీగా ఉండ‌టం వ‌ల్ల జ్యోతిక శ్రీ‌రామదాసు నుంచి త‌ప్పుకుంది. దాంతో జ్యోతిక స్నానంలో స్నేహ‌ను తీసుకున్నారు. ఇక బ్లాక్సాఫీస్ వ‌ద్ద భారీ విజ‌యాన్ని సొంతం చేసుకున్న శ్రీ‌రామ‌దాసుకు నాలుగు నంది అవార్డులు వ‌రించారు. ఉత్త‌మ న‌టుడిగా నాగార్జున, ఉత్తమ హోమ్-వ్యూయింగ్ ఫీచర్ ఫిల్మ్ గా కొండ కృష్ణం రాజు, ఉత్తమ మేకప్ ఆర్టిస్ట్ గా రామచంద్రరావు మ‌రియు ఉత్తమ కాస్ట్యూమ్ డిజైనర్ గా బాషా నంది అవార్డు అందుకున్నారు.

Related posts

శ్రీ ఎం ఆశ్రమంలో శ్రీ గురు మహావతార్ బాబాజీ ఆలయ గ్రాండ్ ఓపెనింగ్ 

Deepak Rajula

YSRCP: తాడేపల్లిలో నిర్మాణంలో ఉన్న వైసీపీ కేంద్ర కార్యాలయం కూల్చివేత .. బాబు సర్కార్ పై జగన్ ఆగ్రహం

sharma somaraju

BrahmaMudi:అపర్ణని క్షమాపణ కోరిన అసలు మాయ.. రుద్రానికి హార్ట్ ఎటాక్ తెప్పించిన కావ్య.. బిడ్డ కోసం రాజ్, కావ్య ల నిర్ణయం..

bharani jella

Nuvvu Nenu Prema:ఆఫీసులో పద్మావతి, విక్కీ రిలేషన్ బయటపడనుందా? సుగుణ కోరిక.. యశోదర్ ఇంటికి పద్మావతి వెళ్లనుందా?

bharani jella

AP Assembly: ఏపీ శాసనసభ స్పీకర్ గా నేడు బాధ్యతలు చేపట్టనున్న అయ్యన్న .. అనూహ్య నిర్ణయం తీసుకున్న వైసీపీ..!

sharma somaraju

Salar Jung Reforms: Important Points to Remember for TGPSC Group 1 and Group 2 Exams 2024

Deepak Rajula

YS Jagan: ఓటమితో అధైర్యపడవద్దు – క్యాడర్ కు తోడుగా నిలిచి భరోసా ఇవ్వండి: వైసీపీ నేతలకు జగన్ సూచన  

sharma somaraju

Chandrababu: టీడీపీ అధినేత చంద్రబాబు ఆసక్తికర వ్యాఖ్యలు .. ఇకపై కొత్త చంద్రబాబును చూస్తారంటూ..

sharma somaraju

Chirajeevi – Pawan Kalyan: చిరు ఇంటికి పవన్ .. ‘మెగా’ సంబురం

sharma somaraju

ఏపీ గవర్నర్ కు ఎన్నికైన ఎమ్మెల్యే జాబితాను అందజేసిన సీఈవో .. గెజిట్ నోటిఫికేషన్ విడుదల

sharma somaraju

Modi – Pawan Kalyan: కుటుంబ సమేతంగా మోడీని కలిసిన పవన్ కళ్యాణ్

sharma somaraju

ప్రధాని మోదీ పరిస్థితిపై కాంగ్రెస్ వ్యంగ్య చిత్రం .. సోషల్ మీడియాలో వైరల్

sharma somaraju

Manamey: మ‌న‌మే మూవీ ప్రీ రిలీజ్ బిజినెస్‌.. హిట్ కొట్టాలంటే శ‌ర్వానంద్ ఎంత రాబట్టాలి..?

kavya N

Kajal Aggarwal: కాజ‌ల్ చేతికి ఉన్న ఆ వాచ్ ఖ‌రీదెంతో తెలుసా.. ఓ కారు కొనేయొచ్చు!

kavya N

NTR – Anushka: ఎన్టీఆర్‌, అనుష్క కాంబినేష‌న్ లో మిస్ అయిన మూడు క్రేజీ చిత్రాలు ఏవో తెలుసా?

kavya N