కేతిక శ‌ర్మ.. ఆ యంగ్ సెన్షేష‌న్ గురించి ప‌రిచ‌యాలు అవ‌స‌రం లేదు. ఆకాశ్ పూరి హీరోగా తెర‌కెక్కిన `రొమాంటిక్‌` మూవీతో సినీ కెరీర్ ను ప్రారంభించిన ఈ ముద్దుగుమ్మ.. ఆ త‌ర్వాత `ల‌క్ష్య`తో ప్రేక్ష‌కుల‌ను ప‌ల‌క‌రించింది. ఈ రెండు చిత్రాలు అనుకున్న స్థాయిలో విజ‌యం సాధించ‌లేదు.
అయితే రీసెంట్ గా ఈ బ్యూటీ `రంగ రంగ వైభవంగా` మూవీతో వ‌చ్చింది. మెగా మేన‌ల్లుడు వైష్ణ‌వ్ తేజ్ హీరోగా తెర‌కెక్కిన మూడో చిత్ర‌మిది. కేతిక శ‌ర్మ‌కు కూడా మూడొవ సినిమానే. శ్రీ వెంక‌టేశ్వ‌ర సినీ చిత్ర ఎల్ఎల్‌పి బ్యాన‌ర్‌పై బి.వి.ఎస్.ఎన్ ప్రసాద్ నిర్మించిన ఈ సినిమాకు గిరీశాయ దర్శకత్వం వహించాడు.
సెప్టెంబ‌ర్ 2న విడుద‌లైన ఈ చిత్రం కూడా బాక్సాఫీస్ వ‌ద్ద బోల్తా ప‌డింది. కెరీర్ స్టార్టింగ్‌లోనే వ‌ర‌స‌గా మూడు ఫ్లాపుల‌ను మూట‌గ‌ట్టుకున్న ఈ బ్యూటీ ఇప్పుడు అర్జెంట్ హిట్ కోసం ఆరాట‌ప‌డుతోంది.
ఈ నేప‌థ్యంలోనే మంచి మంచి ఆఫ‌ర్ల కోసం విశ్వ ప్ర‌య‌త్నాలు చేస్తోంది. సోష‌ల్ మీడియాలో వేదిక‌గా అందాలు సైతం ఆర‌బోస్తోంది. తాజాగా కూడా ఈ బ్యూటీ ట్రెండీ దుస్తుల‌ను ధ‌రించి మ‌త్తెక్కించే పోజుల‌తో మైండ్‌బ్లాక్ చేసింది.
ప్ర‌స్తుతం కేతిక లేటెస్ట్ పిక్స్ సోష‌ల్ మీడియాను ఓ ఊపు ఊపేస్తున్నాయి. ముఖ్యంగా కుర్ర‌కారు కేతిక అందాల‌కు ఫిదా అయిపోతున్నారు. మ‌రి ఇక ముందు ముందు అయినా కేతిక కెరీర్‌కు ఉప‌యోగ‌ప‌డే సినిమాలు ప‌డ‌తాయేమో చూడాలి.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!