Thalapathy 66: కోలీవుడ్ స్టార్ హీరో విజయ్ దళపతి ప్రస్తుతం టాలీవుడ్ డైరెక్టర్ వంశీ పైడిపల్లితో ఓ మూవీ చేస్తున్న సంగతి తెలిసిందే. విజయ్ కు ఇది 66వ ప్రాజెక్ట్ కావడంతో.. `దళపతి 66` వర్కింగ్ టైటిల్తో ఈ మూవీని ఇటీవలె చెన్నైలో గ్రాండ్గా ప్రారంభించారు. ఇందులో నేషనల్ క్రష్ రష్మిక మందన్నా హీరోయిన్గా ఎంపిక అయింది.
శ్రీ వెంకటేశ్వర క్రియేషన్స్ బ్యానర్పై ప్రముఖ బడా నిర్మాత దిల్ రాజు హై బడ్జెట్తో ఈ మూవీని నిర్మిస్తున్నారు. శరవేగంగా షూటింగ్ జరుపుకుంటున్న ఈ చిత్రం గురించి ఓ క్రేజీ అప్డేట్ బయటకు వచ్చింది. అదేంటంటే.. ఈ సినిమా కోసం వంశీ పైడిపల్లి `వారసుడు` అనే టైటిల్ ను పరిశీలిస్తున్నారట.
- Read the latest news from NEWSORBIT
- Follow us on facebook , Twitter , instagram and Googlenews
కథ పరంగా ఆ టైటిల్ సినిమాకు బాగా సెట్ అవుతుందని భావిస్తున్నారట. అందుకే తెలుగు వెర్షన్ కు `వారసుడు` టైటిల్నే పెట్టి.. తమిళంలో వేరే టైటిల్ ను ఫిక్స్ చేయాలని చర్చలు జరుపుతున్నారట. గతంలో `వారసుడు` టైటిల్తోనే కింగ్ నాగార్జున ఓ సినిమా చేశాడు. ఇ.వి.వి.సత్యనారాయణ దర్శకత్వం వహించిన ఈ చిత్రం 1993 లో విడుదలై బ్లాక్ బస్టర్ హిట్గా నిలిచింది.
అయితే ఈ హిట్ టైటిల్నే విజయ్-రష్మికల సినిమాకు వంశీ ఖరారు చేస్తారా..? లేక మరో టైటిల్కు వెళ్తారా..? అన్నది చూడాలి. కాగా, పాన్ ఇండియా స్థాయిలో రూపుదిద్దుకుంటున్న ఈ చిత్రంలో శరత్ కుమార్, ప్రభు, యోగిబాబు, ప్రకాష్ రాజ్, శ్రీకాంత్, జయసుధ కీలక పాత్రలు పోషిస్తున్నారు. ఈ ఏడాది చివర్లో లేదా వచ్చే ఏడాది ఆరంభంలో ఈ మూవీ విడుదల అయ్యే అవకాశాలు ఉన్నాయి.