F3 Movie: టాలీవుడ్లో అపజయం ఎరుగని అతి కొద్ది మంది దర్శకుల్లో అనిల్ రావిపూడి ఒకరు. `పటాస్` వంటి హిట్ మూవీతో డైరెక్టర్గా కెరీర్ స్టార్ట్ చేసిన ఈయన.. ఆ తర్వాత సుప్రీమ్, రాజా ది గ్రేట్, ఎఫ్ 2, సరిలేరు నీకెవ్వరు వంటి విజయవంతమైన చిత్రాలను తెరకెక్కించిన సక్సెస్ ఫుల్ డైరెక్టర్గా గుర్తింపు సంపాదించుకున్నారు.
ఇక ఈయన తాజా చిత్రం `ఎఫ్ 3`. `ఎఫ్ 2`కు సీక్వెల్ ఇది. ఇందులో విక్టరీ వెంకటేశ్, మెగా ప్రిన్స్ వరుణ్ తేజ్ హీరోలుగా నటించారు. తమన్నా, మెహ్రీన్ హీరోయిన్లుగా నటించగా.. సోనాల్ చౌహాన్, వెన్నెల కిషోర్, రాజేంద్ర ప్రసాద్, రఘుబాబు తదితరులు కీలక పాత్రలను పోషించారు. మే 27న రిలీజ్గా అయిన ఈ ఫన్ ఎంటర్టైనర్ తొలి రోజు పాజిటివ్ టాక్తో సూపర్ హిట్ గా నిలిచింది.
- Read the latest news from NEWSORBIT
- Follow us on facebook , Twitter , instagram and Googlenews
కానీ, కలెక్షన్స్ పరంగా ఈ చిత్రం ఇంకా బ్రేక్ ఈవెన్ టార్గెట్ను అందుకోలేకపోయింది. విడుదలైన 16 రోజులను పూర్తి చేసుకున్న ఈ చిత్రం.. 16వ రోజు తెలుగు రాష్ట్రాల్లో రూ. 16 లక్షల షేర్, వరల్డ్ వైడ్ గా 18 లక్షల షేర్ ని అందుకుంది. ఇక ఏరియాల వారీగా ఎఫ్ 3 సినిమా 16 రోజుల టోటల్ కలెక్షన్స్ను ఓ సారి గమనిస్తే..
నైజాం: 17.85 కోట్లు
సీడెడ్: 6.00 కోట్లు
ఉత్తరాంధ్ర: 5.86 కోట్లు
తూర్పు: 3.34 కోట్లు
పశ్చిమ: 2.42 కోట్లు
గుంటూరు: 3.22 కోట్లు
కృష్ణ: 2.83 కోట్లు
నెల్లూరు: 1.74 కోట్లు
———————
ఏపీ+తెలంగాణ= రూ. 43.26 కోట్లు(రూ.69.70 కోట్లు~ గ్రాస్)
———————
కర్ణాటక+రెస్ట్ ఆఫ్ ఇండియా: 2.96 కోట్లు
ఓవర్సీస్: 7.07 కోట్లు
———————
వరల్డ్ వైడ్ కలెక్షన్= రూ.53.29కోట్లు(89.37 కోట్లు~ గ్రాస్)
———————
కాగా, వరల్డ్ వైడ్గా రూ. 63.60 కోట్ల ప్రీ రిలీజ్ బిజినెజ్ చేసిన ఈ చిత్రం.. రూ. 64.50 కోట్ల బ్రేక్ ఈవెన్ టార్గెట్ తో బరిలోకి దిగింది. అంటే ఈ మూవీ బాక్సాఫీస్ వద్ద క్లీన్ హిట్గా నిలవాలంటే.. ఇంకా రూ. 11.21 కోట్ల షేర్ను వసూల్ చేయాల్సిన అవసరం ఎంతైనా ఉంది. కానీ, ఇప్పుడున్న పరిస్థితుల్లో అంత భారీ టార్గెట్ అందుకోవడం చాలా కష్టంగా కనిపిస్తోంది. ఈ నేపథ్యంలోనే అనిల్ రావిపూడి ఎప్ 3 ద్వారా తొలి ఫ్లాప్ను అందుకున్నాడని ప్రచారం చేస్తున్నారు నెటిజన్లు.