Guppedantha Manasu November 14Today Episode: బుల్లితెరపై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటూ ఎంతో ఆసక్తిగా ముందుకు సాగుతూ వెళ్తుంది.ఇక ఈరోజు November 14వ తేదీ Guppedantha Manasu సీరియల్ 607 వ ఎపిసోడ్ లో ఏం జరిగిందో ముందుగా తెలుసుకుందాం..ఈరోజు గుప్పెడంత మనసు నేటి కథనం చాలా ఉత్కంఠగా సాగిందనే చెప్పాలి. ఎందుకంటే రిషి..చెప్పాపెట్టకుండా వసుని తీసుకుని గౌతమ్ ఇంటికి వెళ్తాడు.. అక్కడ ఉన్న మహేంద్ర, జగతిని చూస్తాడా లేదా అనే ఆసక్తి అందరిలో ఉంది.
గౌతమ్ ఇంటికి వెళ్లిన వసు, రిషిలు :
ఇక ఈరోజు ఎపిసోడ్ యొక్క హై లెట్స్ ఏంటి అనేది తెలుసుకుందాం..వసు యూనివర్శిటి ఫస్ట్ రావడంతో అందరు హ్యాపీగా ఉంటారు కానీ రిషి మాత్రం డాడ్ అంత కోపంగా నా మీద ఎందుకు ఉన్నారు. కనీసం మీ మేడమ్ అయినా తనకు నచ్చజెప్పి నా దగ్గరకు తీసుకుని రావచ్చుకదా?’ అంటూ వసుతోనే చెప్పుకుని బాధపతాడు. ‘మహేంద్ర సార్ మీరు రిషి సార్ని చాలా బాధపెడుతున్నారు.. త్వరగా వచ్చేయొచ్చు కదా’ అనుకుంటుంది వసు మనసులో త్వరగా రమ్మనమని జగతీ వాళ్లకి మెయిల్ చేస్తుంది.
భర్త రాకతో దేవయానిలో మొదలైన కంగారు :
సీన్ కట్ చేస్తే దేవయాని ఇంట్లో కూర్చుని కోపంతో రగిలిపోతుంది. ఆయన వచ్చేస్తున్నారు ఇప్పుడు మహేంద్ర వాళ్ళ గురించి అడిగితే ఏమి చేయాలి అని కంగారు పడుతూంటుంద. రిషికి నేను మీ పెదనాన్న పోలీస్ కంప్లైంట్ వద్దు అన్నారని.. అలా అన్నారు ఇలా అన్నారు అని ఎన్నో అబద్దాలు చెప్పాను.. ఆయన వచ్చిన తర్వాత జగతీ వాళ్లు వెళ్లిపోవడానికి కారణం నేనే అనుకుంటారేమో? ఏం చెయ్యాలి? ఎలా కవర్ చెయ్యాలి?’ అంటూ తనలో తనే ఆలోచిస్తూ ఉంటుంది.
రిషిని చూసి దాక్కున మహేంద్ర :
మరోవైపు మహేంద్ర, జగతీలు హాల్లో కూర్చుని మెయిల్ చెక్ చేసుకుంటూ ఉంటారు. సరిగ్గా అప్పుడే ఇంటి బయట రిషి కారు ఆగుతుంది. వసు, రిషీలు కారు దిగి ఇంటి వైపు నడిచి వస్తుంటే జగతీ, మహేంద్రలు వాళ్ళను చూసి షాక్ అవుతారు వెంటనే గౌతమ్కి కాల్ చేసి.. ‘రిషి వాళ్లు ఇంటికి వచ్చారు’ అని చెప్పి పైకి పరుగుతీస్తారు. ‘అంకుల్ మీరు దాక్కోండి.. నేను దగ్గరల్లోనే ఉన్నాను వచ్చేస్తాను’ అంటూ వేగంగా బయలుదేరతాడు గౌతమ్.
కవర్ చేసిన గౌతమ్ :
ఇక రిషి ఇంటితలుపులు తీసి ఉండటంతో గౌతమ్ ఇంట్లోనే ఉన్నాడనుకుని డైరెక్ట్ గా లోపలికి వెళ్ళి గౌతమ్ అంటూ పిలుస్తూ ఉంటారు రిషి, వసూలు. వసు కూడా గౌత ఎక్కడా లేకపోవడంతో పైకి వెళ్దాం సార్ అంటుంది. సరిగ్గా అప్పుడే జగతీ, మహేంద్ర మెట్ల దగ్గర్లో ఉంటారు. వెంటనే పరుగున ఆ పక్కనే ఉన్న గదిలోకి వెళ్తారు. తలుపు వెనుక దాక్కుంటారు. ఇంతలో గౌతమ్ కారు వచ్చి ఆగుతుంది. రిషి పైన కూడా అటు ఇటు చూసి గౌతమ్కి కాల్ చేస్తాడు. గౌతమ్ కావాలనే లిఫ్ట్ చేయడు. పరుగున వస్తూ ఉంటాడు. ఇంతలో రిషి.. మహేంద్ర, జగతీలు వెళ్లిన గదిలోకి వెళ్లి చూద్దాం అని తలుపు దాకా వెళ్లిపోతాడు. అప్పుడే గౌతమ్ వచ్చి రేయ్ రిషీ అంటాడు.
పోలీస్ కంప్లైంట్ ఇద్దాం అన్నా రిషి :
రిషి తలుపు తీయడం ఆపేసి వెనక్కి వెళ్లిపోతాడు. ఆ పక్కనే ఉన్న మహేంద్ర, జగతీలు ఊపిరి పీల్చుకుంటారు. ‘ఏంట్రా ఇలా వచ్చారు’ అంటాడు గౌతమ్ కంగారు పడతూ. ‘నీకోసమేరా.. అయినా తలుపు వేయకుండా ఎక్కడికి వెళ్లావ్ రా?’ అంటాడు ఇస్తీకి బట్టలు ఇవ్వడానికి వెళ్లాను.. దగ్గరే కదా అని తలుపు వేయడం మరిచిపోయాను’ అంటూ ఏదో కవర్ చేస్తాడు. ‘సరేలే పోలీస్ స్టేషన్కి వెళ్దాం పదా అంటాడు రిషి. ‘రేయ్ స్టేషన్ ఎందుకు రా’ అంటాడు గౌతమ్ కంగారుగా.డాడ్ వాళ్లు రావట్లేదు కదా.? పైగా పెదనాన్న కూడా ఊరు నుంచి వస్తున్నారు. నాకే ఇంత బాధగా ఉందంటే ఆయన ఇంకా ఎక్కువ బాధపడతారు కదా.వెంటనే పోలీసులకు చెబితే వాళ్లే డాడ్ వాళ్లని తీసుకొస్తారు’ అంటాడు రిషి.వద్దురా ఇప్పుడు కంప్లైంట్ ఇస్తే పరువు పోతుందిరా.. ఇది ఇంటి సమస్య కదరా.? ఆలోచించు.. రెండు రోజులు ఆగు.. పెదనాన్నగారు వస్తున్న విషయం మీ డాడ్కి మెయిల్ చెయ్ అప్పుడే ఆలోచిద్దాం’ అంటూ సర్దిచెప్పి కూల్ చేస్తాడు.‘డాడ్ వాళ్లు ఎందుకు వెళ్లారో తెలియదు. ఎప్పుడు వస్తారో తెలియదు. అయినా సరే నువ్వు చెప్పావనే రెండు రోజులు గడువు పెడుతున్నాను.. రెండు రోజుల్లో వాళ్ల రాకుంటే పోలీసుల్ని కలుస్తాను’ అంటాడు.
జగతి ఆవేశం.. మహేంద్ర పోరాటం :
వరిషి వాళ్ళు వెళ్ళగానే బయటికి వస్తారు మహేంద్ర, జగతీలు. అంకుల్ ఏమి చేద్దాం అంటాడు గౌతమ్ చాలా అసహనంగా.. జగతీ అక్కడే కూర్చుని రిషి మాటల్ని తలుచుకుని అల్లాడిపోతుంది. ఆవేశంగా పైకి లేచి ఇక చాలు మహేంద్రా.. ఇప్పటి దాకా జరిగింది చాలు. నువ్వు ఏదో అనుకుని వచ్చావ్. నీ మాటల్ని నీ ఆలోచనల్ని నేను గౌరవించాను.. కానీ ఇక నావల్ల కావట్లేదు మహేంద్ర.. అన్నీ ఆపేసి వెళ్లిపోదాం పదా అంటుంది జగతీ. అది కాదు జగతి మంచి జరగాలంటే.. ఓర్పు చాలా అవసరం.. రాత్రికి రాత్రి అయిపోవాలంటే ఎలా?’ అంటాడు మహేంద్ర.
ఇంకా ఏం కావాలి మహేంద్ర.. రిషికి బంధాల మీద నమ్మకం పోయేదాకా ఒంటరిని చేసి ఆడించటమేనా నీ ఓర్పు? దేవయాని అక్కయ్యకు రిషిని వదిలేసి.. ఇంకెన్ని రోజులు రిషిని శిక్షిద్దాం చెప్పు అంటుంది జగతీ కోపంగా. మేడమ్ చెప్పేది కరెక్ట్ అంకుల్ ఆలోచించండి అంటాడు గౌతమ్.ఇంతలో మహేంద్ర
ఏంటి గౌతమ్.. సలహాలు ఇస్తున్నావా? లేక మీ స్నేహం చెడిపోతుందని భయపడుతున్నావా అంటాడు మహేంద్ర అనడంతో ఈరోజు ఎపిసోడ్ ముగుస్తుంది