Body: నీళ్లు సరిగ్గా తాగకపోతే ఎలాంటి సమస్యలు వస్తాయో ప్రతి ఒక్కరు తప్పనిసరిగా తెలుసుకోవాలి.అలా తెలుసుకున్నప్పుడు శరీరానికి తగినన్ని నీటిని అందించగలుగుతారు.అసలు మనలో చాలా మంది రోజులో ఒక్క బాటిల్ నీళ్లు కూడా తాగని వాళ్ళు చాలామందే ఉన్నారు అంటే ఆశ్చర్యం లేదు. మీరు మంచి నీళ్లు రోజుకు ఎన్ని సార్లు తాగుతారంటే…దాహం వేస్తె తాగుతాం అని సమాధానం చెప్తారు.
ఉదయం నుంచి సాయంత్రం వరకు ఏసీ గదుల్లో ఉండేవారు కూడా ఒక లీటర్ నీళ్లు కూడా పూర్తిగా తాగరు.ఒక్క బాటిల్ అంటే ఒక లీటర్ నీరు.అంటే రోజు మొత్తం లో లీటర్ నీరు కూడా తాగడం లేదన్నమాట. ఇది ఎవరో ఒక్కరి సమస్య కానే కాదు… నీళ్లు తాగాలంటే బద్దకం చూపించే అందరి సమస్య గా చెప్పవచ్చు. నీళ్లు తాగడం ఈ శరీర ఆరోగ్యానికి చాలా అవసరం.కారణం ఏమిటంటే మనుషుల శరీరం మూడు వంతులు నీటితోనే నిర్మాణం జరిగి ఉంటుంది. కాబట్టి నీళ్లు సరిపడినన్ని అందకపోతే.. శరీరంలో అనేక సమస్యలు పుడతాయి. ఆ సమస్యలు ఏమిటో తెలుసుకుందాం.
తలనొప్పి ఎక్కువగా వేదిస్తుంటుంది. నీళ్లు తక్కువ గా తాగినప్పుడు శరీరం డీహైడ్రేట్ అయి ఈ సమస్య వస్తుంది. ఆక్సిజన్ తక్కువగా అందడం,మెదడుకి తక్కువ బ్లడ్ అందడం వంటివి డీహైడ్రేషన్ వలన కలుగుతాయి. దీంతో తలనొప్పి ఎక్కువగా ఉంటుంది.మంచి నిద్ర కూడా పట్టదు.
మెదడు పనిచేసే తీరు పైన కూడా ఇది ప్రభావం చూపుతుంది. మీ డెసిషన్,మూడ్, మెమరీ, ఏకాగ్రత వంటి వాటిపై కూడా దీని ప్రభావం ఉంటుంది.