చిన్న‌పిల్ల‌లు చిరుతిళ్లు తినేందుకు ఇష్ట‌ప‌డుతుంటారు. కానీ ఇంట్లో పెద్ద‌వాళ్లు చిరుతిళ్లు తింటే హెల్త్ పాడైపోతుంద‌ని అంటుంటారు. అయితే వాటిలో కొన్ని ఫుడ్ ఐట‌మ్స్ ఆరోగ్యానికి ఎంతో శ్రేయ‌స్స‌క‌రం. ముఖ్యంగా చిరుతిళ్ల‌ల్లో అటుకుల ల‌డ్డూలు తిన‌డం వ‌ల్ల శరీరానికి అనేక పోష‌కాలు, విట‌మిన్లు అందుతాయి. దీంతో చిన్న‌పిల్ల‌ల‌కైతే ఎముక‌ల బ‌లంగా, ఇమ్యూనిటీ ప‌వ‌ర్ పెరుగుతుంది. డ‌యాబెటిస్ ఉన్న పెద్ద‌వాళ్లు నిర‌భ్యంత‌రంగా తినొచ్చు. అయితే ఇప్పుడు మ‌నం బాలీవుడ్ ముద్దుగుమ్మ శిల్పాశెట్టి తయారు చేసిన అటుకుల ల‌డ్డూల్ని ఎలా తయారు చేయాలో తెలుసుకుందాం.
కావాల్సిన ప‌దార్ధాలు..
త‌గినంత అటుకులు, అర‌క‌ప్పు త‌గినంత ప‌చ్చికొబ్బ‌రి తురుము, నెయ్యి, యాల‌కుల పొడి, బాదం పొడి, అవిసె గింజ‌ల పొడి, ఎండు ద్రాక్ష, బాదం పప్పులు, ప‌ల్లీలు అర‌క‌ప్పు
తయారీ విధానం..
ముందుగా అటుకుల్ని ఫ్లేమ్ లో దోర‌గా వేయించుకోవాలి. ఆపై కొబ్బరి తురుము కూడా అలాగే వేయించ‌కోవాలి. ఆ త‌రువాత మిక్సీలో అటుకుల్ని మెత్త‌గా పొడిచేయాలి. అదే మిక్సీలో నెయ్యి, యాల‌కుల పొడి, బెల్లాన్ని మిక్స్ చేయాలి. ఆ మిశ్ర‌మంలో బాదం పొడి,అవిసె గింజ‌ల పొడి, ఎండు ద్రాక్ష, బాదం పప్పులు, ప‌ల్లీలు క‌లిపి ల‌డ్డూలా తయారు చేసుకోవాలి. అలా తయారు చేసిన ల‌డ్డూల్ని స‌ర్వ్ చేసుకోవ‌చ్చు.
శిల్పా శెట్టి తయారు చేసిన ఈ అటుకుల ల‌డ్డూని పోహ ల‌డ్డు అని పిలుస్తుంటారు. ప్ర‌స్తుతం ఉన్న ఈ క‌రోనా క్రైసిస్ లో ప్ర‌తీ ఒక్క‌రికి ఇమ్యూనిటీ ప‌వ‌ర్ చాలా అవ‌స‌రం. అదే ఇమ్యూనిటీ ప‌వ‌ర్ మ‌న శరీరానికి అందేలా ఈ ల‌డ్డూలు దోహ‌దం చేస్తాయి. పైగా చ‌క్కెర త‌క్కువ‌గా ఉండే ఈ ల‌డ్ల‌ను అనారోగ్య స‌మ‌స్య‌లున్నా తినొచ్చు. ఇంకెందుకు ఆల‌స్యం రుచి రుచి ఆరోగ్యానికి ఆరోగ్యాన్ని అందించే ఈ అటుకుల ల‌డ్డూను మీరు ట్రై చేయండి.
