Heart Disease: మనం ప్రతిరోజు తీసుకునే ఆహారంలో ఫైబర్ కంటెంట్ ఎక్కువగా ఉండేలా చూసుకోవాలి. ఎందుకంటే గుండె నాళాల్లో కొవ్వు పేరుకుపోకుండా ఉండాలంటే పీచు పదార్థాలు తప్పనిసరిగా ఆహారంలో భాగంగా చేసుకోవాలి.అలాగే అధిక రక్తపోటుతో పాటుగా షుగర్ వ్యాధిని కూడా అదుపులో ఉంచాలన్నా ఫైబర్ ఫుడ్ తీసుకోవాల్సిందే. ముఖ్యంగా ఫైబర్ కంటెంట్ ఎక్కువగా ఉండే ఓట్స్, యాపిల్స్, ఆకుకూరలు,రోజువారి ఆహారంలో భాగంగా చేసుకోవాలి.
- Read the latest news from NEWSORBIT
- Follow us on facebook , Twitter , instagram and Googlenews
ఫోలిక్ ఆసిడ్ :
మన రోజువారీ ఆహారంలో ఫోలేట్ ఎక్కువగా ఉండే ఆహారం తీసుకుంటే గుండెపోటు వచ్చే అవకాశాలు తక్కువగా ఉంటాయి. అందుకే ఆకుకూరలు,బీన్స్, విటమిన్ సి ఏక్కువగా ఉండే సిట్రస్ ఫ్రూట్స్,కాయ కూరగాయలు, పండ్లు ఎక్కువగా తింటూ ఉండాలి.
- Read the latest news from NEWSORBIT
- Follow us on facebook , Twitter , instagram and Googlenews
ఒమెగా-3 ఫ్యాటీ యాసిడ్స్:
గుండెలో ఉండే రక్త నాళాలు గడ్డ కట్టకుండా ఉండాలంటే ఒమెగా-3 ఫ్యాటీ యాసిడ్స్ తో కూడిన ఆహారాన్ని తింటూ ఉండాలి.ఈ ఆసిడ్స్ గుండె కండరాలనూ ఆరోగ్యంగా ఉంచుతాయి. వాల్నట్స్, ఫిష్ ఆయిల్, చియా సీడ్స్,సొయా బీన్స్ వంటి వాటిలో ఒమెగా-3ఫ్యాటీ యాసిడ్స్ పుష్కలంగా ఉంటాయి. ఇవి గుండెకు ఎంతో మంచి చేస్తాయి.
మెగ్నీషియం కలిగిన ఆహార పదార్ధాలు :
మీకు గుండెకు సంబందించిన జబ్బులు రాకూడదంటే మెగ్నీషియం ఎక్కువగా ఉండే ఆహార పదార్ధాలు తింటూ ఉండాలి. గుండె సంబంధిత జబ్బులు రాకుండా అడ్డుకునే గుణం మెగ్నీషియంలో ఉంది అందుకే డార్క్ చాక్లెట్,అవకాడో, అరటిపండ్లు,పాలకూర వంటి మెగ్నీషియంకు సంబందించిన ఆహార పదార్ధాలను తింటూ ఉండాలి.అలాగే శరీరానికి మంచి చేసే కొవ్వులు నట్స్, సీడ్స్లో అధికంగా ఉంటాయి కావున వాటిని కూడా తింటూ ఉండాలి. పైన చెప్పిన ఆహార పదార్ధాలను సరైన పరిమాణంలో, క్రమం తప్పకుండా తింటూ ఉంటే గుండెకు సంబందించిన సమస్యలు రావు.