Juice: మన ఇంటి చుట్టుపక్కల, పొలాల గట్ల పక్కన, పార్క్ లో ఇలా నిత్యం చుట్టూ ఉండే తీగ మొక్కలలో తిప్పతీగ కూడా ఒకటి.. తిప్పతీగ ఆకులను నేరుగా నమిలి తినవచ్చు.. లేదంటే ఎండబెట్టి పొడి చేసుకుని ఉపయోగించుకోవచ్చు.. వీటన్నింటికి దులు తిప్పతీగ జ్యూస్ లా తయారు చేసుకొని తాగితే బోలెడు ప్రయోజనాలు..!! అవెంటంటే..!?
తిప్పతీగ ను జ్యూస్ లా తయారు చేసుకొని ప్రతిరోజు రెండు టీస్పూన్లు పరగడుపున తాగాలి. ఇలా ప్రతి రోజూ తాగడం టైప్ 2 డయాబెటిస్ తగ్గిస్తుంది బ్లడ్ షుగర్ లెవల్స్ ను నియంత్రణలో ఉంచుతుంది ఇమ్యూనిటీ పవర్ ను పెంచడంలో తిప్పతీగ కీలక పాత్ర పోషిస్తుంది. శరీరంలోకి హానికర బ్యాక్టీరియా, వైరస్ ప్రవేశించకుండా అడ్డుకుంటుంది. దేహం ఇన్ఫెక్షన్ల బారిన పడకుండా కాపాడుతుంది. తిప్పతీగ జ్యూస్ తాగడం వలన తీవ్రమైన జ్వరం కూడా తగ్గిస్తుంది.
తిన్న ఆహారం జీర్ణం కావడానికి తిప్పతీగ జ్యూస్ అద్భుతంగా పనిచేస్తుంది. మనం తీసుకున్న ఆహారం అరుగుదల జరిగి శరీరానికి కావాల్సిన శక్తి అందుతుంది. విరోచనం సాఫీగా జరుగుతుంది. జీర్ణ సమస్యలు తలెత్తవు. ఒత్తిడి, ఆందోళన డిప్రెషన్ ను తొలగిస్తుంది. మానసికపరమైన సమస్యలు తొలగుతాయి. కంటిచూపును మెరుగు పరుస్తుంది. తిప్పతీగ జ్యూస్ తాగాలనుకుంటే వారు ఈ చిన్న విషయాన్ని కూడా గుర్తుంచుకోవాలి. ఈ జ్యూస్ తాగిన అరగంట వరకు ఏమి తినకుండా ఉండాలి. అలా తినకుండా ఉంటేనే మెరుగైన ఫలితాలు కనిపిస్తాయి.
