Hair: చాలామందిలో ఎక్కువగా కనిపించే సమస్య ఐరన్ లోపం. స్త్రీలు ఐరన్ లోపం ఎక్కువగా ఎదురు కుంటూ ఉంటారు. ఐరన్ శరీర భాగాలన్నిటికి ఆక్సిజన్‌ను సరఫరా చేస్తుంది. అలసటను అలసటను తగ్గిస్తుంది. ఐరన్ లోపం వలన బలహీనత, మైకం,శ్వాస సమస్యలు, తలనొప్పి, ఆకలి లేకపోవడం వంటి ఎన్నో సమస్యలకు కారణమవుతోంది. కాబట్టి శారీరక, మానసిక ఆరోగ్యాన్ని మెరుగు పరుచుకోవడానికి ఐరన్ సమృద్ధిగా లభించే ఆహారాన్ని తీసుకోవాలని నిపుణులు సూచిస్తున్నారు .
సాధారణంగా, జుట్టు రాలిపోవడం ప్రారంభం కాగానే చాలా మంది షాంపూలు, హెయిర్‌ మాస్కులు వాడటం వంటివి చేస్తుంటారు. సీరమ్స్‌, ఇతర మందులు వాడటానికి శ్రద్ధ చూపిస్తారు. అయితే వీటితోపాటు ఆహారంలో ఐరన్ తీసుకోవడం మీద కూడా
శ్రద్ధా పెట్టవలసి ఉంటుంది. ఐరన్ లోపం వలన చిన్నా పెద్దా అనే తేడా లేకుండా ఇప్పుడు ప్రతి ఒక్కరూ బట్టతల సమస్యలు ఎదుర్కొంటున్నారు. వాతావరణంలో మార్పుల తో పాటు.. తీసుకునే ఆహారంలో వచ్చిన మార్పుల కారణంగా జుట్టు రాలే సమస్య వస్తుంది. దీని మూలం గా చిన్నవయసులోనే బట్టతల బారిన పడుతున్నారు.రోజూ అవసరమైనంత ఐరన్‌అందకపోతే జుట్టు రాలిపోతుందని వైద్యులు తెలియచేస్తున్నారు. చర్మ సమస్యలు,జన్యుపరమైన అంశాలు, మానసిక ఇబ్బందులు, కాలుష్యంతోపాటు ఐరన్ లోపం వలన కూడా వెంట్రుకలు రాలేందుకు ప్రధాన కారణమవుతుంది అని తాజా అధ్యయనంలో బయట పడింది.అందుకే ఆహారంలో రోజూ తప్పని సరిగా ఐరన్ శాతం ఎక్కువ ఉండేలా చూసుకోవాలి అని ఆరోగ్య నిపుణులు సలహా ఇస్తున్నారు. ఐరన్ మాంసాహారంలో ఎక్కువగా శాకాహారంలో తక్కువగా ఉంటుంది. కాబట్టి శాకాహారులు ఐరన్ ఎక్కువగా ఉండే పదార్థాలను తీసుకోవాలని తెలియచేస్తున్నారు.
స్త్రీలు రోజూ 18 మిల్లీ గ్రాములు, మగవారు 8 మిల్లీ గ్రాముల ఐరన్ తీసుకోవాలని నిపుణులు తెలియచేస్తున్నారు. పొద్దు తిరుగుడు గింజలు, చిక్కుళ్లు, పాలు, పాల పదార్థాలు, డ్రై ఫ్రూట్స్‌లలో ఐరన్ పుష్కలం గా ఉంటుందని, వీటిని తీసుకోవడం ఆరోగ్యానికి చాలా మంచిదని ఆరోగ్య నిపుణులు తెలియచేస్తున్నారు.
Hair: ఇనుము తో జుట్టు పదిలం??అది ఎలాగో తెలుసుకోండి !!
