Allu Balayya: నందమూరి-అల్లు సినిమా..! అరవింద్ కి బాలయ్య అంత నచ్చేశాడా?నందమూరి బాలకృష్ణ మీద ప్రేమ పొంగి పడుతుందట మన మెగా నిర్మాత అల్లు అరవింద్ కు. బాలయ్య బాబు తో సినిమా చేయాలని తెగ ప్రయత్నిస్తున్నారని సమాచారం. బావ మెగాస్టార్ చిరంజీవి సెకండ్ ఇన్నింగ్స్ లో సినిమాలు తెగ చేస్తున్న అటు కన్ను కూడా వేయట్లేదు అట అల్లు అరవింద్.
బాలయ్య బాబు ని Unstoppable With NBK షో లో సక్సెస్ ఫుల్ గా రంగంలోకి దించారు. ఈ షో ఐ.ఎం.డి.బి లో టాప్ షో గ నిలిచింది అని ఇటీవలే మనము విన్నాము. అల్లు అర్జున్ కూడా బాలకృష్ణ తో మంచి రాపో లో ఉన్నాడు. నిర్మాత అల్లు అరవింద్ బన్నీ ఇద్దరూ కలిసి వీళ్ల రిలేషన్ ని ఇంకొంచెం ముందుకు తీసుకు వెళ్లి ,సినిమా కూడా నిర్మించే ప్రయత్నం లో ఉన్నారు.
ప్రొడ్యూసర్ మల్లిడి సత్యనారాయణ రెడ్డి తనయుడు మల్లిడి వశిష్ట కు ఐదు లక్షల అడ్వాన్స్ ఇచ్చారు అని వినికిడి. ప్రభుత్వ ఉద్యోగులను ఆరు నెలల్లో రిటైర్ అవుతారు అనగా బదిలీ చేయకూడదు. ఈ ప్లాట్ లైన్ ని దృష్టిలో పెట్టుకుని ఓ పోలీస్ అధికారి అవినీతిని ,రౌడీయిజాన్ని ఎలా ఎదుర్కొన్నాడు అనే పాయింట్ తో ఈ సినిమా కథ ఉంటుందని వినిపిస్తుంది. నందమూరి కళ్యాణ్ రామ్ తో బింబిసారా పార్ట్ 2 అయిన తర్వాత ఈ సినిమా ఉండే అవకాశం కనిపిస్తుంది.
అల్లు అరవింద్ ఈ కథ కోసం బాలయ్య ని ఒప్పించే ప్రయత్నాల్లో ఉన్నారని తెలుస్తోంది. మహేష్ బాబు తో గీతాఆర్ట్స్ బ్యానర్లో సినిమా చేయాలని అనుకున్నారు కానీ చేయలేకపోయారు. ఇప్పుడు అదే పనిగా బాలయ్య బాబు తో సినిమా చేయాలని ప్రయత్నిస్తున్నారు .ఏమి అవుతుందో వేచి చూడాల్సిందే.
