బిగ్ బాస్ లో ఉన్న ఓ ఇద్దరు ఇంటి సభ్యుల గురించి ఇప్పుడు మనం మాట్లాడుకోవాలి. అసలు వాళ్లిద్దరిని చూస్తే నిజంగా టామ్ అండ్ జెర్రీలాగానే కనిపిస్తారు. అప్పుడే కొట్టుకుంటారు.. అప్పుడే తిట్టుకుంటారు. మళ్లీ కలిసిపోతారు. ఆ వెంటనే అరుచుకుంటారు… వామ్మో.. వాళ్లలో ఉన్నన్ని షేడ్స్ ఇంకెవరిలో ఉండవు.
మీకు ఇప్పటికే అర్థం అయిపోయి ఉంటుంది.. వాళ్లెవరో. సోహెల్ అండ్ అఖిల్ గురించే మనం మాట్లాడుకునేది. వాళ్లలో ఉన్న స్పెషాలిటీ ఏంటో తెలుసా? ఇద్దరిలో ఉన్నది డేర్ నెస్. వాళ్లిద్దరు అస్సలు భయపడరు. ఎవ్వరికీ భయపడరు. డేరింగ్ అండ్ డాషింగ్. కానీ.. అదే ప్రస్తుతం వాళ్ల కొంప ముంచుతోంది.
సోహెల్ కు కోపమొస్తే.. మెడ మీద నరాలు తేలుతాయి. ముందు ముందు వచ్చేస్తాడు. అంతే.. ఇక సోహెల్ కోపాన్ని చూసి వెనక్కి తగ్గాల్సిందే కానీ.. ముందుకు వెళ్లే పరిస్థితే ఉండదు. అఖిల్ కూడా అంతే. పాయింట్ మాట్లాడుతడు.. కోపం వస్తే ఏం చేస్తడో తెలియదు.
వీళ్లిద్దరు మొదటి నుంచి మంచి ఫ్రెండ్సే కానీ… ప్రతి చిన్న విషయాన్ని చిర్రుబుర్రులాడుతుంటారు. మళ్లీ కలిసిపోతుంటారు. గత కొన్ని ఎపిసోడ్స్ ను పరిశీలిస్తే అదే గమనించవచ్చు. ముఖ్యంగా ఈ వారం కెప్టెన్సీ టాస్క్ ప్రారంభం అయినప్పటి నుంచి ఇప్పటి వరకు చూసుకుంటే.. వీళ్లిద్దరి హడావుడే ఎక్కువైపోయింది.
స్టాండ్ మీద తల పెట్టే టాస్కులోనైతే ఇద్దరూ కొట్టుకునేంత పని చేశారు. మళ్లీ వెంటనే కలిసిపోయారు. వామ్మో.. వీళ్లు ఎవ్వరికీ అర్థం కారు బాబోయ్.. అంటూ ప్రేక్షకులు తలలు పట్టుకుంటున్నారు.
