Colon Infection: మనం జీవించాలంటే ఆహారం తీసుకోవాలి.. మనం మనం పోషకాలున్న చక్కటి ఆహారాన్ని తీసుకుంటే ఎటువంటి ఆరోగ్య సమస్యలు దరిచేరవు చెడ్డ ఆహారం తీసుకోవడం వలన శరీరం అనేక వ్యాధులకు గురి అవుతుంది.. చెడు ఆహారం తీసుకోవడం వలన ముఖ్యంగా ఉదర సంబంధిత సమస్యలు వస్తాయి.. అటువంటి వాటిలో పెద్ద పేగు ఇన్ఫెక్షన్ ఒకటి..!! ఈ సమస్యను వదిలేస్తే తీవ్రమై క్యాన్సర్ కు దారితీస్తుంది..!! పెద్ద పేగు ఇన్ఫెక్షన్ కు గురయిందని తెలిపే లక్షణాలు.. ఎటువంటి జాగ్రత్తలు తీసుకోవాలో తెలుసుకుందాం..!!
Colon Infection: మీకు ఈ లక్షణాలు కనిపిస్తున్నాయా..!? అయితే ఈ జాగ్రత్తలు పాటించండి..!!
పెద్ద పేగు మన శరీరం లోని జీర్ణ వ్యవస్థలో ఒక భాగం. ఆహారం జీర్ణమైన తరువాత శరీరంలోని వ్యర్థాలను మలం రూపంలో బయటకు పంపిస్తుంది. అయితే కొన్నిసార్లు ఈ వ్యర్థాలు శరీరం నుంచి పూర్తిగా వెళ్ళవు. అవి పెద్దప్రేగు లో ఉండి శరీరానికి హాని చేస్తాయి ఈ వ్యర్థాలు ఎక్కువగా పెద్ద ప్రేగు లో ఉంటే అది ఇన్ఫెక్షన్ కు దారితీస్తుంది. ఇందుకు
బయటి చిరుతిళ్ళు, జంక్ ఫుడ్స్, వేపుడు పదార్థాలు, పదార్థాలు ఎక్కువగా తీసుకోవడం వల్ల ఇన్ఫెక్షన్ వస్తుంది. అలాగే శుభ్రంగా లేని నీళ్లు తాగటం వలన కూడా ఇన్ఫెక్షన్ కు గురవుతుంది. అలాంటప్పుడు వైద్యులు సంప్రదించాలి. లేకపోతే అది క్యాన్సర్ వంటి తీవ్రమైన వ్యాధి దారి తీస్తుంది. కడుపు లో ఏ విధమైన నొప్పి లేదా ఉదర సంబంధిత సమస్యలు ఉంటే అసలు అజాగ్రత్త చేయవద్దు. వెంటనే వైద్యుని సంప్రదించి తగిన పరీక్షలు చేయించుకోవాలి.
పెద్ద ప్రేగులు లో ఇన్ఫెక్షన్ చేరింది అనడానికి కొన్ని లక్షణాలు ముందుగానే కనిపిస్తాయి. వాటిని మనం సత్వరమే పసిగడితే ఈ సమస్య తీవ్రరూపం దాల్చకుండా ఉంటుంది. లేదంటే ఇది దీని వలన క్యాన్సర్ వచ్చే అవకాశాలు ఎక్కువగా ఉన్నాయి. నిరంతరం విరోచనాలు అవుతుంటే పెద్ద పేగులో ఇన్ఫెక్షన్ అయినట్లు గుర్తించాలి. అలాగే నీరసంగా, అలసట, బలహీనంగా అనిపించినా దేనికి సంకేతం అని గుర్తించాలి. ఉన్నట్టుండి బరువు తగ్గిన , కడుపులో నొప్పిగా ఉంటున్నా పెద్ద పేగులో ఇన్ఫెక్షన్ చేరిందని అనుమానించాలి. వెంటనే వైద్యుడిని సంప్రదించి తగు జాగ్రత్తలు తీసుకోవాలి.
పెద్ద ప్రేగు ఇన్ఫెక్షన్ నుంచి మనల్ని మనమే రక్షించుకోవాలి. ఎందుకంటే మనం తీసుకునే ఆహారం మీద ఈ సమస్య ఆధారపడి ఉంటుంది. అందువలన ఫైబర్ కంటెంట్ ఎక్కువగా ఉన్న ఆహారాన్ని తీసుకోవాలి. ఇది జీర్ణ వ్యవస్థను మెరుగు పరుస్తుంది. ఎక్కువగా మంచి నీరు తాగుతూ ఉండాలి. నీరు ఎక్కువగా తాగటం వద్దు అనుకుంటే నిమ్మరసం, కొబ్బరి నీళ్లు, మజ్జిగ క్రమం తప్పకుండా తీసుకోవాలి. ఇలా ఏదో ఒక రూపంలో లిక్విడ్స్ తీసుకుంటూ ఉండాలి. ప్రతి రోజూ ఉదయం పరగడుపున రెండు గ్లాసుల గోరువెచ్చని నీటిని తాగితే శరీరంలో పేరుకుపోయిన వ్యర్థ పదార్థాలను బయటకు నెట్టివేస్తుంది. ఈ జాగ్రత్తలను ఖచ్చితంగా పాటించండి అలాగే పైన చెప్పిన లక్షణాలు ఏవైనా కనిపిస్తే వెంటనే డాక్టర్ను సంప్రదించాలి.