Ink: సాధారణంగా ఓటు వేసాము అని చెప్పగానే మనకు గుర్తుకొచ్చేది ఎన్ని కల సిరా. భారత ఎన్నికల కమిషన్ నిబంధనలు అనుసరించి ఓటు వేసేవారి ఎడమ చేతి చూపుడు వేలికి ఎన్నికల సిరా గుర్తు వేస్తారు.ఒక వేళా ఏదైనా కారణం తో ఓటరు కు రెండు చేతులకు వేళ్లు లేనిపరిస్థితులలో.. ఎన్నికల అధికారులు ఓటరు ఏదో ఓ చేతికి చివర కనిపించే భాగం లో సిరా గుర్తు వేస్తారు. అయితే ఈ ప్ర క్రియకు ముందు ఓటరు జాబితా లో ఆ వ్యక్తి పేరు ఉందా లేదా, అతడి గుర్తింపు కార్డు లాంటివి పోలింగ్ బూత్లో పరిశీలిస్తారు.
ఎన్నికలలో దొంగ ఓట్లు పడకుండా చూసేందుకు ఎన్నికల సిరాను ఒక మంచి గుర్తింపు గా ఉపయోగిస్తారు. చర్మం పై పూసిన ఈ సిరా ను త్వరగా పోగొట్టుకోవడము దాదాపు అసాధ్యం అనే చెప్పాలి. పరిస్థితి, ప్రాధాన్యత ఆధారం గా సిరాను వివిధ పద్ధతులలో అప్లై చేస్తుంటారు. ఎన్నికల సిరా సీసాలో స్పాంజి ని లేదా బ్రష్ ను కానీ, ఏదైనా పుల్లను గాని ముంచి సిరా పూయడం, స్ప్రే బాటిల్స్, మార్కర్ పెన్నులు ఉపయోగించడం వంటివి సర్వసాధారణ పద్ధతులు గా చెప్పుకోవచ్చు. వేలు పై పూసిన ఈ సిరా వెలుతురు తగిలిన వెంటనే 15 నుంచి 30 సెకన్ల లోనే ఆరిపోతుంది.
సాధారణంగా ఓటు వేసేవాళ్లకు ఈ సిరా గుర్తు గురించి అవగాహన ఉంటుంది. సిరా గుర్తు ఉంటే ఆ వ్యక్తి ఓటు వేసినట్టు గుర్తుపట్టవచ్చు. ఆ సిరా ఎంత చెరిపినా చేరగపోవడానికి గల కారణం ఏమిటంటే, ఆ సిరా లో ఎక్కువ శాతం సిల్వర్ నైట్రేట్ కలపడం వలన అది చెరిగి పోదు. దాదాపు 7.25 శాతం వరకు సిల్వర్ నైట్రేట్ ను కలిగి ఉంటుందట. అందుకే అది వెంటనే చెరిగిపోదు. అది దాని వెనుకున్న చరిత్ర.