Indian tradition: ఈ రోజుల్లో ప్రతి ఒక్కరికి గర్ల్ ఫ్రెండ్స్ మరియు బాయ్ ఫ్రెండ్స్ ఉంటున్నారు. ఈ జనరేషన్ లో ప్రేమ అనేది తమ కామం తీర్చుకోవడానికి మరో పదంగా వాడుతున్నారు. ప్రేమించుకుంటున్నాం అని చెప్తున్న వాళ్ళు కొంతకాలానికి మళ్ళి బ్రేక్ అప్ అంటున్నారు. అసలు నిజమయిన ప్రేమలో బ్రేక్ అప్ ఎందుకు ఉంటుంది? ఎన్ని కష్టాలు వచ్చినా వాటిని అధిగమించి కలిసి చివరి వరకు నడిస్తేనే దానిని ప్రేమ అంటారు. ఇదివరకు రోజులలో ప్రేమలు ఇలా ఉండేవి కాదు. ఎన్ని కష్టాలు వచ్చినా వారు కలిసి ఉన్నారు కాబట్టే వారి బంధాలు చివరి వరకు పదిలంగా అలానే ఉండిపోయాయి.
మన ప్రాచీన భారతీయ సంస్కృతిలో ప్రేమ అంటే కామించడం కాదు. అనేది మన హృదయం నుంచి వెలువడే ఒక పవిత్రమయిన భావం. దాన్ని మనం నిరంతరం పెంచుకుంటూనే ఉండాలి. అలా అని ప్రేమ అంటే రాగం కూడా కాదు. రాగం కేవలం తమ వారికే క్షేమం చేస్తుంది. ప్రేమ మాత్రం ఎందరికో మంచి చేయగలదు. నిజమయిన ప్రేమను పెంచుకుంటూపోతే ఓ వ్యక్తి గొప్ప యోగిగా మారుతాడు. సత్పురుషులకున్న ఒకే ఒక్క గొప్ప గుణం ప్రేమ. ప్రేమ నుంచి క్షమ మరియు దయ ఏర్పడతాయి. పూర్తి విశ్వం ప్రేమపై జీవిస్తుంది. ప్రేమలేని జీవితాలలో విచారం, వాదోపవాదాలు మాత్రమే మిగులుతాయి.
ప్రేమతో విశ్వాన్ని జయించగలం. కాబట్టి మన విజయాల వెనుక ప్రేమ పాత్ర ఎంతగానో ఉంటుంది. ప్రేమ లేకుంటే తల్లిదండ్రులు పిల్లలను పెంచి పోషించరు కదా! దేవుడు తన భక్తులను మనం ఊహించిన దానికంటే ఎంతో ఎక్కువగా ప్రేమిస్తూ ఉంటాడు. ప్రేమ వల్ల శత్రువులు కూడా మిత్రులుగా మారగలరు!!