బాల‌కృష్ణ తాను చేయ‌బోతున్న కొత్త సినిమా కోసం బ‌రువు త‌గ్గే ప‌నిలో ఉన్నారు. బాల‌కృష్ణ, బోయ‌పాటి శ్రీను కాంబినేష‌న్‌లో ఓ సినిమా రూపొంద‌నున్న సంగ‌తి తెలిసిందే. `సింహా`, `లెజెండ్‌` చిత్రాల త‌ర్వాత హ్యాట్రిక్ కాంబినేష‌న్‌లో వ‌స్తున్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి. ఈ చిత్రం డిసెంబ‌ర్ నుండి ప్రారంభం కానుంది. ఇందులో బాల‌కృష్ణ రెండు కోణాల్లో ఆవిష్క‌రించ‌నున్నాడ‌ట బోయ‌పాటి. అందులో ఓ పాత్ర కోసం బ‌రువు త‌గ్గుతున్నాడ‌ట. బాల‌కృష్ణ. ఒక‌టి, రెండు కాదు.. ఏకంగా 25 కిలోలు బ‌రువు త‌గ్గుతున్నార‌ని వార్త‌లు విన‌ప‌డుతున్నాయి. బ‌రువు త‌గ్గ‌డం కోసం బాల‌కృష్ణ జిమ్‌లో ప్ర‌తిరోజూ 5 గంట‌ల పాటు క‌ష్ట‌పడుతున్నాడ‌ట. ఇప్ప‌టికే ఈయ‌న 15 కిలోలు త‌గ్గార‌ని స‌మాచారం.
ప్ర‌స్తుతం బాల‌కృష్ణ, కె.ఎస్‌.ర‌వికుమార్ కాంబినేష‌న్‌లో సినిమా రూపొందుతోన్న సంగ‌తి తెలిసిందే. సి.క‌ల్యాణ్ నిర్మిస్తున్న ఈ చిత్రానికి `రూల‌ర్`అనే టైటిల్ పరిశీల‌న‌లో ఉంది. డిసెంబ‌ర్ చివ‌రి వారంలో ఈ చిత్రాన్ని విడుద‌ల చేయ‌డానికి సన్నాహాలు చేస్తున్నారు.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!