Pushpa 2: ఏప్రిల్ 8 వ తారీకు ఐకాన్ స్టార్ అల్లు అర్జున్ బర్త్ డే. దీంతో “పుష్ప 2” నుండి అభిమానులకు మేకర్స్ సర్ప్రైజ్ రెడీ చేయటం జరిగింది. విషయంలోకి వెళ్తే ఆరోజు “పుష్ప 2” నుండి ఫస్ట్ సింగిల్ సాంగ్ రిలీజ్ చేయబోతున్నారట. ఈ ప్రకటనతో అభిమానులు సంతోషం వ్యక్తం చేస్తున్నారు. గత ఏడాది అల్లు అర్జున్ జన్మదినోత్సవం నాడు విడుదల చేసిన టీజర్ ఆకట్టుకున్న సంగతి తెలిసిందే. అయితే ఈసారి “పుష్ప 2” నుండి కొత్త సాంగ్ రిలీజ్ చేయబోతున్నారట. దేవిశ్రీప్రసాద్ సంగీతమందిస్తున్నారు. ఇప్పటికే సాంగ్స్ మొత్తం కంప్లీట్ చేయడం జరిగిందట. ప్రస్తుతం షూటింగ్ శరవేగంగా జరుగుతోంది.
2021లో “పుష్ప” సినిమా రిలీజ్ అయ్యి బ్లాక్ బస్టర్ విజయం సాధించింది. పాన్ ఇండియా నేపథ్యంలో విడుదలైన ప్రతిచోట సూపర్ హిట్ టాక్ సొంతం చేసుకోవడం జరిగింది. హిందీలో ఎలాంటి ప్రమోషన్స్ చేయకపోయినా 100 కోట్లకు పైగానే కలెక్షన్స్ సాధించింది. ఈ సినిమాతో దేశంలోనే కాదు ప్రపంచవ్యాప్తంగా అల్లు అర్జున్ మార్కెట్ ఊహించని రేంజ్ లో విస్తరించింది. “పుష్ప” సినిమాతో బన్నీ గ్లోబల్ స్టార్ అయిపోయాడు. అంతేకాదు ఉత్తమ జాతీయ నటుడు అవార్డు కూడా గెలవడం జరిగింది. దీంతో “పుష్ప” సెకండ్ పార్ట్ డైరెక్టర్ సుకుమార్ చాలా ప్రతిష్టాత్మకంగా తెరకెక్కిస్తున్నారు. రెండో భాగంలో కూడా అల్లు అర్జున్ మేనరిజమ్స్ చాలా ప్రత్యేకంగా డిజైన్ చేయడం జరిగిందట.
ఫస్ట్ భాగంలోకి తగ్గేదెలా డైలాగు చెప్పే టైంలో..మేనరిజమ్ ప్రపంచం మొత్తాన్ని షేక్ చేసి పడేసింది. ఆ తరహాలో సెకండ్ పార్ట్ లో కొన్ని సీన్స్ గుస్ బంప్స్ తెప్పించే విధంగా ఉండబోతున్నాయట. ఈ ఏడాది ఆగస్టు 15వ తారీకు “పుష్ప 2” విడుదల చేస్తున్నట్లు ప్రకటించారు. దీంతో ప్రకటించిన తేదీకి సినిమా విడుదలయ్యే విధంగా ప్రస్తుతం షూటింగ్ శరవేగంగా జరుపుకుంటుంది. మొదటి భాగం కంటే రెండో భాగం అత్యధికమైన భాషల్లో విడుదల చేయబోతున్నారు. అంతేకాదు దేశవ్యాప్తంగా “పుష్ప 2” ప్రమోషన్స్ కనీసం రిలీజ్ కి ముందు మూడు వారాలు చేయాలని మేకర్స్ డిసైడ్ అయినట్లు టాక్.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!