Prabhas: యంగ్ రెబల్ స్టార్ ప్రభాస్ గతంలో మాదిరిగా కాకుండా ప్రస్తుతం వరుస పెట్టి సినిమా షూటింగ్స్ చేస్తున్న సంగతి తెలిసిందే. గతంలో ఒక్కో సినిమాకి రెండు సంవత్సరాలు పాటు టైం తీసుకునేవారు. బాహుబలి రెండు భాగాలకు కనీసం ఐదు సంవత్సరాలు టైం పట్టింది. బాహుబలి రెండు భాగాలు హిట్ అయిన తర్వాత.. “సాహో” సినిమాకి రెండున్నర సంవత్సరాలు టైం తీసుకున్నారు. ఆ తర్వాత “రాదేశ్యామ్” మూవీకి కూడా రెండు సంవత్సరాలకు పైగానే షూటింగ్ జరుపుకుంది. “ఆదిపూరుష్” షూటింగ్ కూడా రెండు సంవత్సరాల టైం పట్టింది. కానీ ఈ సినిమాలు మొదటి షోకే అట్టర్ ప్లాప్ అయ్యాయి. దీంతో ప్రభాస్ ఒకేసారి రెండు మూడు సినిమాల షూటింగ్స్ సెట్స్ మీదకు తీసుకెళ్లడం ప్రారంభించారు.
ఈ రకంగా “సలార్” సినిమాతో విజయం సాధించారు. ఒక పక్క “సలార్” చేస్తూనే మరోపక్క “కల్కి” చేయటం జరిగింది. ఇప్పుడు “కల్కి” తో పాటు మరోపక్క మారుతీ దర్శకత్వంలో “రాజాసాబ్” చేస్తున్నారు. “రాజాసాబ్” షూటింగ్ మేజర్ పార్ట్ కంప్లీట్ అయినట్లు తాజాగా మేకర్స్ ప్రకటించినట్లు వార్తలు వస్తున్నాయి. మిగతా టాకీ షూటింగ్ “సలార్ 2″తో చేయబోతున్నట్లు వార్తలు వస్తున్నాయి. రాబోయే సంక్రాంతికి ఈ సినిమా విడుదల చేయడానికి మేకర్స్ డిసైడ్ అయినట్లు సమాచారం. కామెడీ నేపథ్యంలో హర్రర్ తరహాలో చాలా వెరైటీగా దర్శకుడు మారుతి ఈ సినిమా చిత్రీకరిస్తున్నట్లు ఇండస్ట్రీ టాక్.
ఇప్పటివరకు ప్రభాస్ నీ ఏ దర్శకుడు చూపించని విధంగా మారుతి చూపించడం జరిగిందట. ఆల్రెడీ ఈ సినిమాకి సంబంధించి ఫస్ట్ లుక్ పోస్టర్ సంక్రాంతి పండుగ సమయంలో రిలీజ్ చేశారు. “రాజాసాబ్” మూవీకి తమన్ సంగీతం అందిస్తున్నారు. ప్రస్తుతం ప్రభాస్ “కల్కి” షూటింగ్ లో బిజీగా ఉన్నారు. మే నెలలో “కల్కి” విడుదల కాబోతోంది. అనంతరం “సలార్ 2” సెట్స్ మీదకు తీసుకెళ్ళనున్నారు. అదే సమయంలో “రాజాసాబ్” మిగతా బ్యాలెన్స్ షూటింగ్ కూడా మొదలుకానున్నట్లు తెలుస్తోంది. ఈ ఏడాదిలో “కల్కి” విడుదల కానుండగా వచ్చే ఏడాది సంక్రాంతికి “రాజాసాబ్” వేసవికి “సలార్ 2” విడుదల కానున్నట్లు తెలుస్తోంది. వరుస పెట్టి సినిమాలు చేస్తూ ఉండటంతో ప్రభాస్ ఫ్యాన్స్ ఫుల్ హ్యాపీగా ఉన్నారు.
Brahmamudi: బ్రహ్మముడి లో రుద్రాణి పాత్రలో నటిస్తున్న షర్మిత గౌడ రెమ్యూనరేషన్ ఎంతో తెలుసా..!