నేచుర‌ల్ స్టార్ నాని ఈ నెల 19న `జెర్సీ` చిత్రంతో ప్రేక్ష‌కుల ముందుకు రానున్నాడు. ఈ సినిమా ప్ర‌మోష‌న్స్ అంతా అయిన త‌ర్వాత విక్ర‌మ్ కుమార్ ద‌ర్శ‌క‌త్వంలో తెర‌కెక్కుతున్న `గ్యాంగ్‌లీడర్‌` సినిమా షూటింగ్‌లో పాల్గొంటాడు. ఈ సినిమాను ఆగ‌స్ట్ నెల‌లో విడుద‌ల చేసే ప్ర‌య‌త్నాలు జ‌రుగుతున్నాయి. కాగా.. ఇదే ఏడాది తన 25వ సినిమా షూటింగ్ కూడా స్టార్ట్ చేయ‌బోతున్నాడు నాని. దిల్‌రాజు నిర్మించ‌బోయే ఈ సినిమాకు ఇంద్ర‌గంటి మోహ‌నకృష్ణ ద‌ర్శ‌కుడు. `అష్టాచ‌మ్మా`, `జెంటిల్‌మ‌న్‌` సినిమాల త‌ర్వాత నాని, ఇంద్ర‌గంటి కాంబినేష‌న్ తెర‌కెక్క‌బోయే హ్యాట్రిక్ మూవీ ఇది. ఈ సినిమాలో నానితో పాటు సుధీర్ బాబు, అదితిరావు హైద‌రి, నివేదా థామ‌స్ న‌టిస్తున్నారు. ఈ నలుగురు ఇది వ‌ర‌కు ఇంద్ర‌గంటితో ప‌నిచేసిన నాయకానాయిక‌లే కావ‌డం విశేషం. ఈ చిత్రానికి `వ్యూహం` అనే టైటిల్ ప‌రిశీల‌న‌లో ఉన్న‌ట్లు టాక్‌. ఈ సినిమాకు సంబంధించిన అధికారిక స‌మాచారం త్వ‌ర‌లో వెలువ‌డ‌నుంది.