‘బింబిసార’ సినిమా ప్రీ రిలీజ్ వేడుక ఈనెల 29వ తారీఖున నిర్వహించనున్నారు. మల్లిడి వశిష్ఠ దర్శకత్వంలో తెరకెక్కిన ఈ చిత్రం ఆగస్టు 5వ తారీఖు విడుదల కానుంది. ఈ నేపథ్యంలో ప్రీ రిలీజ్ కార్యక్రమాన్ని భారీ ఎత్తున నిర్వహించనున్నారు. నిర్మాత మరియు హీరో నందమూరి కళ్యాణ్ రామ్ తన కెరియర్ లో ఎప్పుడు చేయని పాత్రలో ‘బింబిసార’లో చేయటం జరిగింది. అంతేకాదు నందమూరి కళ్యాణ్ రామ్ కెరియర్ లోనే ఇది అత్యంత హైయెస్ట్ భారీ బడ్జెట్ సినిమా.
ఇదిలా ఉంటే ఈ సినిమా ప్రీ రిలీజ్ వేడుకకు యంగ్ టైగర్ ఎన్టీఆర్ ముఖ్యఅతిథిగా హాజరుకానున్నారు. ఈ విషయాన్ని స్వయంగా సినిమా యూనిట్ అధికారికంగా ప్రకటించింది. హైదరాబాద్ శిల్పకళా వేదికలో ఈ నెల 29వ తారీకు ‘బింబిసార’ ప్రీ రిలీజ్ వేడుక జరగనుంది. ఈ సందర్భంగా ఎన్టీఆర్ వస్తున్నట్లు … “జై లవకుశ” సినిమాలో కొన్ని సన్నివేశాలు మరియు ‘బింబిసార’లో కొన్ని సన్నివేశాలు కలిపి టీజర్ వీడియో విడుదల చేయడం జరిగింది. భారీ యాక్షన్ నేపథ్యంలో రాజుల కాలం మరియు ప్రస్తుత తరం రెండు రూపాయలలో కళ్యాణ్ రామ్ ‘బింబిసార’లో కనిపిస్తున్నారు.
అంతేకాదు ఈ కార్యక్రమానికి కుదిరితే రాజమౌళి కూడా వచ్చే అవకాశాలు ఉన్నట్లు ఇండస్ట్రీ వర్గాలు అంటున్నాయి. “RRR” తర్వాత ఎన్టీఆర్ కి మరియు రాజమౌళి మధ్య గ్యాప్ వచ్చినట్లు.. ఇటీవల వార్తలు రావడం జరిగాయి. దీంతో వస్తున్నా వార్తలకి చెక్ పెట్టే దిశగా రాజమౌళి ‘బింబిసార’ ప్రీ రిలీజ్ వేడుకకి వచ్చే అవకాశం ఉందని టాక్. ‘బింబిసార’ మొదటి పార్ట్ హిట్ అయితే.. దీనికి సీక్వెల్ కూడా రాబోయే రోజుల్లో తీయనున్నట్లు కళ్యాణ్ రామ్ తెలియజేయడం జరిగింది. నిర్మాతగా.. సినిమాకి కళ్యాణ్ రామ్ భారీగా ఖర్చు చేసినట్లు సమాచారం. దీంతో అన్న సినిమాకి తన వంతుగా సహకారం అందించే దిశగా ‘బింబిసార’ ప్రమోషన్ కార్యక్రమాలలో ఎన్టీఆర్ పాల్గొననున్నారట.
Nani: ఓడియమ్మ.. నాని సీరియల్స్ లో నటించాడా?.. ఏ సీరియల్ అంటే…!