pokiri: “పోకిరి” సినిమా టాలీవుడ్ ఇండస్ట్రీ లో ఎన్ని సంచలనాలు క్రియేట్ చేసిందో అందరికీ తెలుసు. పూరి జగన్నాథ్ దర్శకత్వంలో మహేష్ బాబు నటించిన ఈ సినిమా 2006 సంవత్సరంలో ఏప్రిల్ మాసంలో రిలీజ్ అయ్యి టాలీవుడ్ బాక్సాఫీస్ రికార్డులను తిరగరాసింది. దాదాపు 40 సంవత్సరాల ఇండస్ట్రీ రికార్డులను పగలగొట్టిన ఈ సినిమా.. మహేష్ బాబు కి మాస్ ఇమేజ్ కల్పించింది.
ఈ సినిమాతో టాలీవుడ్ ఇండస్ట్రీలో చిరంజీవి తర్వాత ఆ స్థాయిలో మహేష్ బాబు పేరు మారుమ్రోగటం స్టార్ట్ అయింది. చాలామందిని పోకిరి సినిమా ప్రభావితం చేయడం జరిగింది. ఈ సినిమాలో మహేష్ పలికిన డైలాగులు.. యాక్షన్ ఫైట్స్ మాస్ ప్రేక్షకులను ఎంతగానో అలరించటం జరిగింది. అటువంటి ఈ సినిమాని ఓ యంగ్ డైరెక్టర్.. తాను స్క్రిప్టు రాసుకునే ముందు ఖచ్చితంగా చూడటం జరుగుతుందట.
Read more: Pokiri: ఇండస్ట్రీ రికార్డులను వేటాడిన ‘పోకిరి’కి 15 ఏళ్లు
ఈ సినిమాలో మంచి దమ్ము ఉండటంతో పాటు యాక్షన్ సన్నివేశాలు తనకు ఎంతగానో ఎనర్జీని కల్పిస్తాయని.. అందువల్లే చూస్తాం అని ఇటీవల ఆ డైరెక్టర్ తెలిపాడు. సదరు డైరెక్టర్ మరెవరో కాదు.. డైరెక్టర్ బాబీ. పోకిరి సినిమా గురించి ఇటీవల బాబీ మాట్లాడుతూ… నేను ఏ సినిమా అయినా రాసేముందు.. ఫస్ట్ పోకిరి సాంగ్స్ వింటాను ఆ తర్వాత సినిమా చూస్తాను. మొదటి నుండి పోకిరి సినిమా నాకెంతో స్పెషల్. సినిమాలో ఎనర్జీ.. డైలాగ్స్.. ఆల్బమ్.. విజువల్స్.. తనను ఎంతగానో ఆకట్టుకుంటాయి అంటూ ఇటీవల డైరెక్టర్ బాబీ పోకిరి సినిమా పై తనకున్న అభిమానాన్ని చాటాడు.
