Pawan kalyan : పవన్ కళ్యాణ్ రేంజ్ అండ్ క్రేజ్..అభిమానుల్లో ఆయనకి ఉన్న ఇమేజ్ గురించి ప్రత్యేకంగా చెప్పనవసరం లేదు. పవర్ స్టార్.. పవర్ స్టార్..అంతే. మూడేళ్ళ తర్వాత ఆయన నుంచి సినిమా వస్తుందంటే ప్రతీ ఒక్కరిలో ఉండే ఆతృత సినిమా మీద అంచనాలు విపరీతంగా పెంచేస్తుంది. అలా భారీగా అంచనాలు పెరిగిన సినిమా వకీల్ సాబ్. బాలీవుడ్ లో పింక్ సినిమాకి రీమేక్ అయినప్పటికీ వకీల్ సాబ్ ని ఒక కొత్త కథతో తెరకెక్కించినట్టు అభిమానులు, ప్రేక్షకులు ఫీలయ్యేలా మార్పులు, చేర్పులు చేశాడు దర్శకుడు వేణు శ్రీరాం.
నిర్మాత దిల్ రాజు గాని, దర్శకుడు వేణు శ్రీరాం గాని, మ్యూజిక్ డైరెక్టర్ థమన్ గాని..పవన్ కళ్యాణ్ అభిమానులుగా వకీల్ సాబ్ కి పనిచేయడం గొప విషయం. ప్రతీ విషయంలో ఎన్నో జాగ్రత్తలు తీసుకుంటూ వకీల్ సాబ్ సినిమాని రూపొందించారు. ఇటీవల ఈ సినిమా ప్రమోషన్స్ భారీ స్థాయిలో మొదలు పెట్టారు. ఇందులో భాగంగా మ్యూజిక్ ఫెస్ట్ తో పాటు ఇంటర్వ్యూస్ ఇస్తూ సినిమా మీద అంతులేని అంచనాలు పెంచుతున్నారు. అయితే ఈ సినిమాకి ముందు అనుకున్న టైటిల్ వకీల్ సాబ్ కాదట.
Pawan kalyan : ‘మగువ’ పవర్ స్టార్ ఇమేజ్ కి సరిపోదని ‘వకీల్ సాబ్’ టైటిల్.
‘మగువ’ అన్న టైటిల్ ముందు అనుకున్నప్పటికీ అది పవర్ స్టార్ ఇమేజ్ కి సరిపోదని టైటిల్ లో ఒక పవర్ ఉడాలన్న ఆలోచన..ప్రేక్షకుల్లో పవన్ కళ్యాణ్ కి ఉన్న ఇమేజ్ ని దృష్ఠిలో పెట్టుకొని వకీల్ సాబ్ అని పెట్టినట్టు దర్శకుడు వెల్లడించాడు. ఇప్పుడు ఈ టైటిల్ తో సినిమా కి గ్రాండ్ నెస్ వచ్చినట్టు తెలిపాడు. కాగా ఈ సినిమాలో శృతి హాసన్ గెస్ట్ రోల్ లో..నివేదా థామస్, అంజలి, అనన్య నాగళ్ళ కీల పాత్రల్లో నటిస్తున్నారు. వచ్చే నెల 16న సినిమా ప్రేక్షకుల ముందుకు రాబోతోంది.