అమరావతి: వైసిపి ఆరు నెలల పాలనను ఆరు పదాల్లో విశ్లేషించారు జనసేన అధినేత పవన్ కళ్యాణ్. ట్విట్టర్ వేదికగా జగన్మోహనరెడ్డి పాలనపై ఆయన విమర్శలు గుప్పించారు.
‘జగన్ రెడ్డి గారి ఆరు నెలల పాలన ఆరు మాటల్లో చెప్పాలంటే విధ్వంసం, దుందుడుకు తనం, కక్షసాధింపుతనం, మానసిక వేదన, అనిశ్చితి, విచ్చిన్నంగా చెప్పొచ్చు’ అని ట్వీట్ చేశారు. ఒక్కో పదంపై ఆయన వివరణ ఇచ్చారు. కూల్చివేత పర్వాలు, ఉద్దేశపూర్వక వరద నీటితో రాజకీయ క్రీడలు, కార్మికుల ఆత్మహత్యలు విధ్వంసం కిందకు వస్తాయని అన్నారు. ఇలా ఒకొక్క పదానికి అర్ధాలను వివరించారు.
151 అసెంబ్లీ సీట్లు ఉన్న వైసిపి హానికర ధోరణిని ఇకనైనా ఆపాలని కోరుకుందాం అని పవన్ పేర్కొన్నారు.
YCP’s Six months administration in Six words: pic.twitter.com/kwGgqFlYFr
— Pawan Kalyan (@PawanKalyan) November 22, 2019