Sourav Gangully:బీసీసీఐ అధ్యక్షుడు మాజీ కెప్టెన్ సౌరవ్ గంగూలీ గత నెలలో గుండెపోటుతో కోల్ కతా లో వుడ్ లాండ్స్ హాస్పిటల్ లో జాయిన్ అయిన సంగతి తెలిసిందే. ఉదయం పూట వ్యాయామం చేస్తూ ఉండగా ఒక్కసారిగా గుండెపోటు రావడంతో కుటుంబ సభ్యులు హాస్పిటల్ లో జాయిన్ చేయగా వైద్య బృందాలు అన్ని పరీక్షలు చేసి ఏంజియోప్లాస్టీ నిర్వహించారు.
అవసరమైతే మరోసారి ఏంజియోప్లాస్టీ చేయాల్సి ఉంటుందని వుడ్ లాండ్స్ వైద్యులు అప్పట్లో తెలిపారు. దీంతో చికిత్స సకాలంలో తీసుకున్న గంగూలీ త్వరగానే కోలుకోవడం జరిగింది. ఆ టైంలో గంగూలీ అభిమానులు అదేవిధంగా క్రికెట్ ప్రేమికులు భగవంతునికి అనేక ప్రార్థనలు చేసి బెంగాల్ దాదా తిరిగి బయట ప్రపంచంలో ఆరోగ్యంగా రావాలని కోరుకోవడం జరిగింది.
అంతా అనుకున్నట్టుగానే గంగూలీ పూర్తి ఆరోగ్యంతో బయటపడగా చికిత్స జరిగిన నెలరోజులు అవ్వకముందే మరోసారి గుండెపోటు రావటం క్రికెట్ ప్రేమికులకు మరింత ఆందోళన కలిగిస్తోంది. పరిస్థితి ఇలా ఉండగా మరోపక్క గంగూలీ కుటుంబ సభ్యులు ఈసారి అపోలో హాస్పిటల్ లో జాయిన్ చేశారు. ప్రస్తుతం వైద్యులు అబ్జర్వేషన్లో గంగూలీని ఉంచినట్లు సమాచారం.
