Peddireddy: బీజేపీకి సీనియర్ నాయకుడు, మాజీ మంత్రి ఇనుగాల పెద్దిరెడ్డి భారీ షాక్ ఇచ్చారు. కరీంనగర్ జిల్లా హుజూరాబాద్ నియోజకవర్గం నుండి ఉప ఎన్నికల్లో పోటీ చేయాలని పెద్దిరెడ్డి భావించగా, ఈటల బీజెపీలో చేరికతో ఆయనకు టికెట్ దక్కదని తేలిసిపోయింది. తొలుతే ఈటల రాజేందర్ బీజేపీలో చేరికను ఆయన వ్యతిరేకించారు. ఈటల బీజేపీలో చేరిన నాటి నుండి ఆయన అసంతృప్తిగా ఉన్నారు. పార్టీ నేతలు ఆయనకు బుజ్జగించే ప్రయత్నాలు చేసినప్పటికీ పెద్దిరెడ్డి పార్టీ కార్యక్రమాలకు దూరంగా ఉంటున్నారు.
పెద్దిరెడ్డి గతంలో టీడీపీ అధికారంలో ఉన్న సమయంలో మంత్రిగా పని చేశారు. కరీంనగర్ జిల్లాలో బలమైన నాయకుడుగా ఎదిగారు. రాష్ట్ర విభజన అనంతరం అనంతరం తెలంగాణలో టీడీపీ పరిస్థితి దారుణంగా మారడంతో బీజేపీలో చేరారు. బీజేపీ నాయకత్వం హుజూర్నగర్ నియోజకవర్గంలో ఈటలకు అధిక ప్రాధాన్యత ఇస్తున్న నేపథ్యంలో పెద్దిరెడ్డి పార్టీకి గుడ్ బై చెప్పినట్లు తెలుస్తోంది.
పెద్దిరెడ్డి తన రాజీనామా లేఖను రాష్ట్ర పార్టీ అధ్యక్షుడు బండి సంజయ్ కు పంపించారు. గడచిన రెండు సంవత్సరాల నుండి బీజేపీలో సామాన్య కార్యకర్తగా పని చేయడానికి అవకాశం కల్పించిన జాతీయ, రాష్ట్ర నాయకత్వానికి ధన్యవాదాలు తెలియజేసిన పెద్దిరెడ్డి మారిన రాజీకీయ పరిస్థితుల దృష్ట్యా పార్టీలో కొనసాగడానికి మనసు అంగీకరించడం లేదని కావున పార్టీ ప్రాధమిక సభ్యత్వానికి రాజీనామా చేస్తున్నట్లు పెద్దిరెడ్డి ప్రకటించారు.