Revanth Reddy: తెలంగాణ నూతన ముఖ్యమంత్రిగా ఎనుముల రేవంత్ రెడ్డి ప్రమాణ స్వీకారం చేశారు. ఎల్బీ స్టేడియంలో కిక్కిరిసిన జనసందోహం, కాంగ్రెస్ అగ్రనేతల సమక్షంలో రేవంత్ తో గవర్నర్ తమిళి సై ప్రమాణ స్వీకారం చేయించారు. రేవంత్ ప్రమాణ స్వీకారం తర్వాత మరో 11 మంది మంత్రులతో వరుసగా ప్రమాణ స్వీకారం చేశారు. వారితో గవర్నర్ ప్రమాణం చేయించారు. డిప్యూటి సీఎంగా భట్టి విక్రమార్క, మంత్రులుగా కొండా సురేఖ, సీతక్క, శ్రీధర్ బాబు, కోమటిరెడ్డి వెంకట రెడ్డి, ఉత్తమ్ కుమార్ రెడ్డి, జూపల్లి కృష్ణారావు, పొంగులేటి శ్రీనివాసరెడ్డి, తుమ్మల నాగేశ్వరరావు, దామోదర రాజనర్సింహ, పొన్నం ప్రభాకర్ ప్రమాణం చేశారు. 
ఈ ప్రమాణ స్వీకార కార్యక్రమానికి ఏఐసీసీ అగ్రనేతలు సోనియా గాంధీ, రాహుల్ గాంధీ, మల్లికార్జున ఖర్గే, ప్రియాంక తో పాటు కీలక నేత కేసీ వేణుగోపాల్ తదితరులు హజరైయ్యారు. రేవంత్ అనే నేను అంటూ సీఎం గా రేవంత్ రెడ్డి ప్రమాణం చేస్తుండగా సభా ప్రాంగణం జయజయధ్వానాలతో మారుమోగింది. అభిమానులు, పార్టీ శ్రేణులు ఈగలు, కేకలతో హోరెత్తించారు. ప్రమాణ స్వీకారం అనంతరం సీఎం రేవంత్ రెడ్డి, డిప్యూటి సీఎం భట్టి విక్రమార్క ఒకరినొకరు ఆలింగనం చేసుకుని ప్రజలకు అభివాదం చేశారు.
కాగా, ప్రమాణ స్వీకార వేదికపై రేవంత్ రెడ్డి కుటుంబ సభ్యులు ప్రత్యేక ఆకర్షణగా నిలిచారు. రేవంత్ భార్యతో పాటు కుమార్తె, అల్లుడు, మనుమడు హజరైయ్యారు. ప్రమాణ స్వీకారోత్సవం సందర్భంగా కళాకారుల డప్పు వాయిద్యాలు, ఆట పాటలు, బోనాలతో మహిళలు, లంబాడీ వేషధారణలో మహిళలు నృత్యాలు ఆకట్టుకున్నాయి.
TDP Janasena: రాజంపేట టీడీపీ నేతల గుండెల్లో గుబులు..ఆ పారిశ్రామిక వేత్త జనసేనలో చేరికతో..
