Chiku Fruit: పెరటి పండ్లలో సపోటా పండు కూడా ఒకటి.. ఈ పండు పోషకల గని.. సపోటా (Chiku Fruit) ఈ సీజన్లోనే లభిస్తుంది.. ప్రతి సీజన్లో లభించే పండ్లను తింటే మన ఆరోగ్యానికి ఎంతో మేలు చేస్తాయి సపోటాలు విటమిన్స్, మినరల్స్, యాంటీ ఆక్సిడెంట్ సమృద్ధిగా ఉన్నాయి.. ప్రతి రోజు సపోటా తింటే మన శరీరానికి ఏ విధంగా సపోర్ట్ చేస్తుందో ఇప్పుడు తెలుసుకుందాం సపోటా పండు తింటే లాభమేనా.. నష్టాలు లేవా అనుకుంటున్నారా అవి కూడా చర్చించుకుందాం..!!
Chiku Fruit: సపోటా తో ఈ వ్యాధులు దూరం..!!
శరీరంలో నిస్సత్తువ, బలహీనం గా ఉన్నప్పుడు రెండు సపోటా పండ్లను తింటే నిమిషాల వ్యవధిలో దేహం తిరిగి శక్తి ( Instant Energy) ని పుంజుకుంటుంది.. సపోటా లో ఫ్రక్టోజ్ అధికంగా ఉంటుంది. ఇది శరీరానికి కావలసిన శక్తి ని అందిస్తుంది. దీనిని తిన్న వెంటనే తక్షణ శక్తిని కలిగిస్తుంది. సపోటా లో ఫైబర్ అధికంగా ఉంటుంది. దీనిలో ఉండే కెరోటిన్ మలవిసర్జన సాఫీగా జరిగేలా చేస్తుంది. మలబద్దకం (Constipation) ఉన్నవారు ఈ పండు తింటే ఆరోగ్యానికి చాలా మంచిది. దీనిలో ఉండే విటమిన్ ఎ కంటి చూపు (Eye Vision) ను మెరుగు పరుస్తాయి.
ఈ పండు లో ఉండే విటమిన్ సి శరీరం లోని హానికర ఫ్రీ రాడికల్స్ ను తొలగ్గిస్తుంది. ఇందులో పొటాషియం, ఐరన్, ఫోలేట్, నియాసిన్, పాంధోయినిక్ ఆమ్లాలు ఉన్నాయి. ఇవి జీవ క్రియను మెరుగు పరుస్తాయి. ఈ పండును ఎదిగే పిల్లల చేత తినిపిస్తే ఆరోగ్యం తోపాటు చక్కగా బరువు పెరుగుతారు. గర్భిణీలు, బాలింతలు, వృద్ధులు ఈ పండును తరచూ తింటే రక్తహీనత (Animia) తగ్గుతుంది. రక్తహీనత ఉన్నవారు ఈ పండును మితంగా తింటే రక్తహీనత ను క్రమబద్ధీకరిస్తుంది. సపోటా తిన్న తర్వాత ఆ గింజలను చాల మంది పరెస్తుంటారు. అయితే ఈ గింజలను ముద్దగా నూరుకోవాలి. దీనికి కొద్దిగా ఆముదం కలిపి తలకు రాసుకోవాలి. అరగంట తర్వాత తలస్నానం చేస్తే జుట్టు ఊడకుండా, ఒత్తుగా పెరిగేలా చేస్తుంది.
తియ్యగా ఉంటుందని ఈ పండును ఎక్కువగా లాగిస్తే అజీర్తి చేస్తుంది. కడుపు ఉబ్బరంగా (Acidity) ఉంటుంది. అలాగే గుండె జబ్బులతో (Heart Problems) బాధపడేవారు రోజుకి ఒక పండు కంటే ఎక్కువ తినకూడదు. అధిక బరువు (Over Weight) , మధుమేహం (Diabetes) తో బాధపడుతున్న వారు ఈ పండును వైద్యుల సలహ మేరకు మాత్రమే తినాలి.
