Teenage: పదహారేళ్ళ వయసులో సరైన ఆహారం తీసుకోవడం చాలా అవసరం.. ఈ ఏజ్ లో ముఖ్యంగా అమ్మాయిలు వారి ఆరోగ్యంపై దృష్టిసారించాలి.. ఇప్పుడు ఉన్న తీసుకుని మీ మిగతా జీవితం ఆధారపడి ఉంటుంది.. ఈ వయసులో సరైన పోషకాహారాన్ని సక్రమంగా తీసుకోవాలంటున్నారు ఆరోగ్యనిపుణులు..!!
పోషకాహారం ప్రతి ఒక్కరూ తీసుకోవాలి. అయితే టీనేజ్ పిల్లలకు అది మరింత అవసరం. ఈ టీనేజ్ లో హార్మోన్స్ అసమతుల్యత ఏర్పడుతుంది. దీనివలన ముఖంపై అవాంఛిత రోమాలు పెరగడం, ఋతుక్రమం సక్రమంగా రాకపోవడం, బరువు పెరగడం వంటి సమస్యలు ఎదుర్కోవాల్సి వస్తుంది. దీంతో మానసిక ప్రశాంతత దూరమవుతుంది. ఇంకా తరచూ అనారోగ్య సమస్యలకు దారితీస్తుంది. అందువలన హార్మోన్స్ ను బ్యాలన్స్ చేసే లా డైట్ చార్ట్ ప్రిపేర్ చేసుకోవాలి. అన్ని రకాల ఆకుకూరలు, కూరగాయలు, పండ్లను తీసుకోవాలి.
టీనేజ్ లో అమ్మాయిలు ముఖ్యం బాగా ఎక్కువగా జింక్ ఉండేలా చూసుకోవాలి. వేరు శెనగ గింజలు, డార్క్ చాక్లెట్లు తినలి. అలాగే ఆలివ్ ఆయిల్ తో చేసే వంటకాలు కు ప్రాధాన్యత ఇవ్వాలి ఈస్ట్రోజన్ ఉండే సోయాబీన్స్, బఠానీలను వారంలో కచ్చితంగా రెండు సార్లు తినాలి. పండ్ల లో సిట్రస్ పండ్లను ఎక్కువగా తీసుకోవాలి. ఇవి రోగనిరోధకశక్తిని పెంపొందిస్తాయి. డ్రై ఫ్రూట్స్ ఎక్కువగా తీసుకోవాలి. మొలకెత్తిన విత్తనాలు, డ్రైఫ్రూట్స్, బెల్లం, నువ్వులు వంటివి తీసుకుంటే రక్తహీనత సమస్యను నివారిస్తుంది. మాంసాహారులైతే సీ ఫుడ్స్, చికెన్, మటన్, పీతలు వంటివి మీ రోజువారీ ఆహారంలో భాగం చేసుకోవాలి.
