(న్యూస్ ఆర్బిట్ డెస్క్)
లండన్ నగరంలోని ప్రఖ్యాత ఆకాశహర్మ్యం షార్డ్‌ను సోమవారం ఉదయం ఓ సాహసి పాకుతూ ఎక్కాడు. పొరపాటున జారితే ప్రాణాలు కాపాడుకునేందుకు ఎలాంటి రక్షణా లేకుండా అతను ఈ ఫీట్ సాధించాడు. ఉదయాన్నే బయటకువచ్చి ఆ వైపు వెళ్లినవారు వళ్లు జలదరించే ఈ సాహసకృత్యాన్ని అచేతనులై వీక్షించారు. కొందరు వీడియో తీశారు. ఈ వీడియో సోషల్ మీడియాలో వెంటనే వైరల్ అయింది.
https://youtu.be/9NxqeBZXE-c
షార్డ్ పశ్చిమ యూరోప్‌లోనే ఎత్తైన భవనం. లండన్ బ్రిడ్జ్ సమీపంలోని ఈ భవనం ఎత్తు 309 మీటర్లు. భవనం వెలుపల అంతా గ్లాస్‌తోనే నిర్మించారు. ఉదయం 5.15 గంటలకు పోలీసులకు ఈ సాహసి వర్తమానం అందింది. వారు వెంటనే ఎమర్జెన్సీ సర్వీసుతో అక్కడకు చేరుకున్నారు. ఆ వ్యక్తి భవనం అధిరోహించి లోపలకు ప్రవేశించినపుడు పోలీసు అధికారులు అక్కడ రెడీగా ఉన్నారు. అతనితో మాట్లాడి పంపించివేశామనీ, అరెస్టు చేయలేదనీ మెట్రోపాలిటన్ పోలీసులు తెలిపారు.