(న్యూస్ ఆర్బిట్ డెస్క్)
సింహాన్ని దూరం నుంచి చూస్తేనే గుండెలు జారిపోతాయి. అలాంటిది సింహాం దగ్గరకు వెళితే ఎలా ఉంటుంది ? జూలు విదిల్చిన సింహం ముందు ధైర్యంగా నిలబడే సాహసం ఎవరైనా చేస్తారా ? కానీ ఢిల్లీ జూలో ఇలాంటి సాహసమే చేశాడో ఓ వ్యక్తి. సింహం బోనులోకి ప్రవేశించి సురక్షితంగా బయటపడ్డాడు. ఈ మొత్తం దృశ్యాలు సీసీటీవీ కెమెరాల్లో రికార్డయ్యాయి.
బిహార్‌కు చెందిన రేహాన్‌ ఖాన్‌(28) అనే వ్యక్తి జూ సందర్శనకు వెళ్లాడు. జూ పార్క్‌లో సింహాన్ని ఉంచిన ఎన్‌క్లోజర్‌ గ్రిల్స్‌ ఎక్కి అందులోకి ప్రవేశించాడు. సింహం ముందు కాసేపు ఉన్నాడు. అయినా సింహం అతడ్ని ఏమీ చేయలేదు. సింహం ముందు ధైర్యంగా నిలబడ్డాడు. దాన్ని రెచ్చగొట్టేందుకు ప్రయత్నించాడు. ఇది గమనించిన జూ సిబ్బంది వెంటనే స్పందించారు. సరిగ్గా సింహం అతడిపై దాడి చేసేందుకు సిద్ధమయ్యే సమయానికి అతడిని సురక్షితంగా బయటకు తీసుకువచ్చారు. దీంతో అంతా ఊపిరి పీల్చుకున్నారు. దీనికి సంబంధించిన వీడియో సోషల్ మీడియాలో వైరల్ అయ్యింది.
https://twitter.com/ANI/status/1184758748805509121