Akukura: ఆకుకూరలు అంటే చాలు ఆమడ దూరం పారిపోతారు కొందరు.. ఎవరు ఎన్ని మాటలు చెప్పినా వినరు ఎందుకంటే వారికి అందులో ఉన్న పోషకాల గురించి తెలియదు కాబట్టి.. ఆకుకూరలు పోషకాలకు నిలయం.. అదే పొన్నగంటి ఆకుకూర మాత్రం పోషకాలకు పుట్టినిల్లు.. మిగతా ఆకుకూరలకు పోలిస్తే ఇందులో లభించే పోషకాలు ఎక్కువైందని ఈ ఒక్క మాటతో అర్థమైనట్టుంది.. మరి ఆలస్యం చేయకుండా ఈ ఆకుకూర వలన కలిగే ఆరోగ్య ప్రయోజనాలేంటో చూద్దాం..!!
కంటి చూపు తగ్గుతోందని మన బామ్మలకు చెబితే వెంటనే వాళ్ళు పొన్నగంటి కూర తినమని సలహా ఇస్తారు. ఎందుకంటే ఇది చూపు పోయిన వాళ్ళకి కూడా చూపు తెప్పించగలదు అని అర్థం. దీనిని పోయిన కంటి కూర అని ఒకప్పుడు పిలిచేవారు. ప్రస్తుత వాడుక భాషలో పొన్నగంటి అయింది.. ఈ ఆకులో క్యాలరీలు, పిండిపదార్థాలు, ప్రోటీన్స్, పీచు పదార్థాలు, క్యాల్షియం, పొటాషియం, విటమిన్ ఏ, సి సమృద్ధిగా లభిస్తాయి. ఆకు కూరలు తింటే జీవక్రియ లోపాలను సరిచేస్తుంది. ప్రతిరోజు ఈ ఆకు కూర తింటే కంటిచూపు మెరుగుపడటంతో పాటు షుగర్ వ్యాధిని నయం చేస్తుంది. ఇంకా మొలల వ్యాధి ని తగ్గిస్తుందనడంలో సందేహం లేదు. వీర్య కణాలు వృద్ధి చెందేలా చేస్తుంది.
Read More: Weight Loss: బెల్లం డైరెక్ట్ గా తినేయకండి.. ఇలా చేయండి.. బరువు తగ్గడం పక్కా..!!
పొన్నగంటి ఆకు రసం లో వెల్లుల్లిని కలిపి తీసుకుంటే దగ్గు ఆస్తమా తగ్గుతుంది. మొలల సమస్యతో బాధపడుతున్న వారు ఈ ఆకులను ఆవు నెయ్యితో కలిపి వండుకుని తింటే సమస్య త్వరగా తగ్గుతుందని ఆయుర్వేద వైద్య నిపుణులు చెబుతున్నారు. లేదంటే పొన్నగంటి ఆకుల రసంలో, ముల్లంగి ఆకు రసాన్ని కలిపి రోజుకి రెండు మూడు సార్లు తాగాలి. ఇలా నెలరోజులపాటు తీసుకుంటే మొలల సమస్యకు శాశ్వత పరిష్కారం చెప్పవచ్చు. కంటి కలక లో కురుపులు ఉన్నవారు పొన్నగంటి ఆకులను కంటి మీద పెట్టుకుంటే నొప్పి నుంచి తక్షణ ఉపశమనాన్ని అందిస్తుంది. .