Bigg Boss 6: బిగ్ బాస్ సీజన్ సిక్స్ పదవ వారం నామినేషన్ లో ఉన్న వాసంతి ఆదివారం ఎపిసోడ్ లో ఎలిమినేట్ కావడం తెలిసిందే. సీజన్ స్టార్టింగ్ లో దాదాపు రెండు వారాలు పాటు వాసంతి గేమ్ పెద్దగా కనిపించలేదు. మంచిగా బట్టలు వేసుకోవడం తో పాటు ఎవరితో కలవకుండా సపరేట్ గా ఉంటూ వచ్చేది. కానీ రెండు వారాలు తర్వాత వాసంతి పూర్తిగా తన గేమ్ మార్చేసింది. ప్రతి టాస్క్ లో బెస్ట్ ఇవ్వటంతో పాటు నామినేషన్ సమయంలో పాయింట్ టు పాయింట్ మాట్లాడేది.
ఎక్కడ కూడా భయపడకుండా చాలా దూకుడు గేమ్ ప్రదర్శించింది. చాలా సందర్భాల్లో తనకి తాను నామినేషన్ కి వెళ్ళటానికి కూడా వెనుకాడ లేదు. ఇప్పటిదాకా బిగ్ బాస్ హౌస్ లో 11 మంది ఎలిమినేట్ అయ్యారు. ఎలిమినేట్ అయిన అందరిలో ఎటువంటి నెగెటివిటీ లేకుండా బయటికి వెళ్లిన కంటెస్టెంట్ వాసంతి అని చెప్పవచ్చు. ఎవరితో కూడా శత్రుత్వం పెట్టుకోకుండా మాస్క్ లేని గేమ్… ఆడి చక్కగా నవ్వుతూ సెండ్ ఆఫ్ ఇచ్చింది. అయితే బయటకు వచ్చాక పలు చానల్స్ కి ఇంటర్వ్యూ ఇవ్వటం జరిగింది.
ఈ క్రమంలో ఓ ఇంటర్వ్యూలో బిగ్ బాస్ హౌస్ లో కంటెస్టెంట్ రేవంత్ కి తన సపోర్ట్ ఉంటుందని స్పష్టం చేసింది. రేవంత్ టైటిల్ గెలిచేలా మద్దతు తెలుపుతున్నట్లు పేర్కొంది. బిగ్ బాస్ హౌస్ లో వీరిద్దరి మధ్య గట్టిగానే గొడవలు జరిగాయి. కానీ అవి మనసులో పెట్టుకోకుండా రేవంత్ కి వాసంతి మద్దతు తెలపటం విశేషం. ప్రస్తుతం సీజన్ సిక్స్ లో అందరికంటే ఎక్కువ వోటింగ్ రాబడుతున్న కాంటేస్తంట్ గా రేవంత్ ఉన్నారు. మరి రేవంత్ టైటిల్ గెలుస్తాడో లేదో చూడాలి.