Bigg Boss 6: బిగ్ బాస్ సీజన్ సిక్స్ కి సంబంధించి నాలుగో వారం ఆట కొనసాగుతున్న సంగతి తెలిసిందే. ఈ క్రమంలో నాలుగో వారం శనివారం వీకెండ్ ఎపిసోడ్ సరిగ్గా గేమ్ ఆడని వాళ్లకి నాగార్జున గట్టిగా క్లాస్ పీకారు. బాలాదిత్య, ఇనాయా, ఆదిరెడ్డి, చంటి వీళ్ళందరూ నాలుగో వారం సరిగా గేమ్ ఆడలేదని మండిపడ్డారు. ముఖ్యంగా సీక్రెట్ టాస్క్ సరిగా ఆడని చంటిపై తీవ్ర స్థాయిలో ఫైర్ అయ్యారు. ఈ క్రమంలో నించున్న నలుగురిలో శాశ్వతంగా సీజన్ 6కి కెప్టెన్ పోటీకి అనర్హులు ఎవరు అనేది మిగతా ఇంటి సభ్యులు తేల్చాలని ఓటింగ్ ప్రక్రియ పెట్టారు.
ఈ ప్రక్రియలో చివరాఖరికి చంటికి ఓటు పడటంతో సీజన్ సిక్స్ మొత్తానికి చంటి కెప్టెన్ అవలేరని అనర్హులుగా నాగార్జున ప్రకటించారు. దీంతో చంటి చాలా బాధపడటం జరిగింది. ఓటింగ్ పరంగా హౌస్ కెప్టెన్ కీర్తి తీసుకున్న నిర్ణయం మేరకు చంటికి ఓటు పడటంతో.. అనర్హులుగా తేల్చారు. కీర్తి కెమెరాల కోసం గేమ్ ఆడుతుంది ఆ రకంగానే కంటెంట్ ఇస్తుంది అన్న రీతిలో గతంలో కొంతమంది దగ్గర చంటి వ్యాఖ్యానించడంతో తాను ఓటు వేసినట్లు.. కెప్టెన్ అనర్హుడు అనే ప్రక్రియలో కీర్తి తన కారణం తెలియజేసింది.
కెప్టెన్ కాకపోవడానికి ఇంకా చంటి అవకాశం లేకపోవడంతో ఇది అతిపెద్ద దెబ్బ అని ఆడియన్స్ అంటున్నారు. ఇమ్యూనిటీ పవర్ ఇంకా రాబోయే రోజుల్లో రాదని.. అంటున్నారు. ఈ పరిణామంతో కచ్చితంగా చంటి త్వరగానే హౌస్ నుండి వెళ్లిపోయే అవకాశాలు ఉన్నాయని చెప్పుకొస్తున్నారు. గేమ్ పరంగా చంటి నాగార్జున గారు చెప్పినట్టే సరిగా ఆడటం లేదని కూడా ఆడియన్స్ నుండి వినబడుతున్న టాక్. ఏకంగా సీజన్ మొత్తానికి కెప్టెన్ అవ్వకుండా చంటి నామినేట్ కావడం.. శనివారం ఎపిసోడ్ లో హైలైట్ గా మారింది.
