Bigg Boss 6: బిగ్ బాస్ సీజన్ సిక్స్ 11వ వారం గేమ్ సగం కి వచ్చేసింది. వచ్చేవారం ఫ్యామిలీ ఎపిసోడ్ జరగనుంది. దీంతో ఈ వారం ఎలాగైనా బాగా ఆడి కెప్టెన్సీ కంటెండర్ గా నిలిచి.. ఆట కొనసాగించడానికి ఎవరికి వారు పోటీ పడుతున్నారు. ఈ క్రమంలో ఈ వారం ప్రైజ్ మనీ కి సంబంధించి పోటీదారుల మధ్య ఆట కొనసాగుతోంది. అయితే విజేతగా గెలిస్తే వచ్చే ప్రైజ్ మనీ.. దేనికి ఉపయోగిస్తారు అనేది ఇంటి సభ్యులు తెలియజేయాలని బిగ్ బాస్ టాస్క్ ఇచ్చారు.
ఈ క్రమంలో ఈ వారం కెప్టెన్ ఫైమా మాట్లాడుతూ…”మా కుటుంబంలో మొత్తం నలుగురు ఆడపిల్లలము. మా తల్లి ఎంతో కష్టపడి మమ్మల్ని పెద్ద చేసింది. ఒక చిన్న గదిలో మేమంతా అద్దెకి ఉండే వాళ్ళం. దీంతో కుటుంబ కష్టాలు కారణంగా ప్రతిరోజు నేను కూలికి వెళ్లే దానిని. పత్తి ఏరడానికి వెళ్లేదాన్ని. దీంతో రోజుకి వంద రూపాయలు కూలి వచ్చేది. అలా నెలకి వచ్చిన 3 వేల రూపాయలను జాగ్రత్తగా ఖర్చు పెట్టుకునే వాళ్ళం. అయితే మా కంటే ఎక్కువ రెంట్ ఇస్తామని వేరే వారు రావడంతో ఇంటి ఓనర్ 5 రోజుల్లో ఇల్లు ఖాళీ చేయాలని చెప్పటంతో ఇల్లు మారటానికి అప్పటికప్పుడు పడ్డ కష్టాలు ఎప్పుడు మర్చిపోలేను.
అద్దె ఇంటి కోసం చాలా తిరిగాను. ఇంటి ముందు టూలేట్ బోర్డు ఉన్నా గాని ఖాళీ లేదని చెప్పేవాళ్లు. కొంతమంది ఏమో … అంత అద్దే మీరు చెల్లించ లేరు వేరే ఇల్లు చూసుకోండి అని చెప్పేవారు. ఈ రకంగా ఇల్లు విషయంలో చాలా ఇబ్బందులు పడ్డాం. అయితే గెలిస్తే వచ్చిన డబ్బుతో.. సొంత ఇంటిని కొనుక్కుంటాను అని ఫైమా తన మనసులో మాట బయట పెట్టింది.
