Bigg Boss 6: బిగ్ బాస్ సీజన్ సిక్స్ షో రసవత్తరంగా సాగుతున్న సంగతి తెలిసిందే. ప్రస్తుతం 11వ వారం గేమ్ కొనసాగుతోంది. హౌస్ లో పదిమంది ఉన్నారు. కాగా ఈ వారం నామినేషన్ లో 8 మంది ఉన్నారు. ఎవరు ఎలిమినేట్ అవుతారన్నది సస్పెన్స్ గా మారింది. అయితే శుక్రవారం ఎపిసోడ్ లో ఈవిక్షన్ ఫ్రీ పాస్ కి సంబంధించి టాస్క్ జరిగింది. ఈ టాస్క్ గెలవడానికి రేవంత్, శ్రీహాన్, ఫైమా పోటీపడ్డారు. చివరాఖరికి ఫైమా గెలిచింది. అయితే ఈ టాస్క్ లో రేవంత్ ఇంకా శ్రీహాన్ చాలా కష్టపడ్డారు. కానీ హౌస్ లో సగం మంది కంటే ఎక్కువగా… ఫైమానీ సపోర్ట్ చేయటంతో..ఈవిక్షన్ ఫ్రీ పాస్ ఆమె గెలవడం జరిగింది.
గతవారం కెప్టెన్ ఈసారి ఈవిక్షన్ ఫ్రీ పాస్ గెలవడంతో ఫైమా గ్యారెంటీగా టాప్ ఫైవ్ లో ఉంటుందని శుక్రవారం ఎపిసోడ్ తర్వాత కామెంట్లు వస్తున్నాయి. అయితే ఈ వారం హౌస్ నుండి ఎవరు ఎలిమినేట్ అవుతారు అన్నది చాలా సస్పెన్స్ గా నెలకొంది. గతవారం డబల్ ఎలిమినేషన్ అని మొదట బాలాదిత్య.. తర్వాత వాసంతి ఎలిమినేట్ కావడం జరిగింది. మరి ఈసారి ఎవరు హౌస్ నుండి వెళ్తారు అన్నది చాలా సస్పెన్స్ గా నెలకొంది. బయట చాలామంది శ్రీ సత్య నీ టార్గెట్ చేసుకొని.. ఆమెని ఇంటికి పంపించడానికి గట్టిగా ఈ వారం ఓట్లు వేయడం జరిగింది.
ఇతరులపై ఆధారపడుతూ గేమ్ ఆడటంతో శ్రీ సత్యనీ బయటికి పంపించాలని, ముఖ్యంగా శ్రీహాన్ తో వెకిలి చేష్టలు.. చేయటం చాలా మందికి నచ్చలేదు. దీంతో ఆమెను ఎలాగైనా ఇంటి నుండి పంపించడానికి ఆపరేషన్ అసత్య అనే టైటిల్ తో… ఓటింగ్ పెట్టుకున్నారు. మరి శ్రీ సత్య ఈవారం హౌస్ లో ఉంటుందో ఎలిమినేట్ అవుతుందో చూడాలి.