Bigg Boss 6: బిగ్ బాస్ సీజన్ సిక్స్ ఎనిమిదో వారం శనివారం ఎపిసోడ్ చాలా వాడి వేడిగా సాగింది. ఎనిమిదో వారంలో కెప్టెన్సీ టాస్క్ లో భాగంగా చేపల చెరువులో ఇంటి సభ్యులు ఆడిన ఆట తీరుపై నాగార్జున చాలామందికి క్లాస్ తీసుకున్నారు. ముఖ్యంగా గీతూ ఆడిన ఆట తీరుపై నాగార్జున మండిపడటం జరిగింది. గీతూకి జంటగా టాస్క్ లో ఆడిన ఆదిరెడ్డిని..గీతూ ఆట పై రివ్యూ అడిగారు. దానికి ఆది రెడ్డి…గీతూ ఎప్పటినుండో ఫిజికల్ టాస్క్ అడుగుతూ ఉంది. అన్ని రకాలుగా గతంలో కంటే బాగా గేమ్ ఆడిందని చెప్పుకొచ్చాడు.
అయితే చాలా సందర్భాలలో నాగార్జున వేసిన ప్రశ్నలకు.. సమాధానం ఇస్తూ చివరాఖరికి గీతూ.. సరిగ్గా ఆడలేదని ఆదిరెడ్డి తెలపడం జరిగింది. అయితే ఈ క్రమంలో గీతూ కలుగజేసుకొని … అందరూ గేమ్ బాగా ఆడాలని .. కావాలని రెచ్చగొట్టినట్లు నాగార్జునకి వివరణ ఇవ్వడం జరిగింది. ఈ క్రమంలో అందరితో గేమ్ ఆడించడానికి బిగ్ బాస్ ఉన్నారంటూ నాగ్ చురకలు అంటించారు. మరోపక్క ఇదే సమయంలో సంచాలక్ గా గీతూ ఏ విధంగా వ్యవహరించింది అని.. మిగతా ఇంటి సభ్యులను నాగార్జున అడుగగా అందరూ కూడా.. సరిగ్గా చేయలేదని సమాధానం ఇచ్చారు.
ఇదే సమయంలో బొచ్చు.. నీయబ్బ అని గీతూ మాట్లాడిన విధానం పై నాగార్జున మండిపడ్డారు. రేవంత్ తోయడంతో కాలికి దెబ్బ గట్టిగా తగలడంతోనే తానూ తిట్టినట్లు క్లారిటీ ఇచ్చి…మరోసరి రేవంత్ కి గీతూ క్షమాపణలు చెప్పింది. అనంతరం 8వ వారంలో నువ్వన్నట్టుగానే మీ ఆట కూడా బొచ్చు లాగా ఉందని నాగార్జున గట్టిగా క్లాస్ తీసుకున్నారు. వచ్చే వారంలో ఈరీతిగా నాతో తీటించుకోకూడదు..మొత్తం మార్చుకోవాలి అని గీతుకి స్పష్టం చేయడం జరిగింది.