Bigg Boss 6: బిగ్ బాస్ సీజన్ సిక్స్ ఆరో వారం గేమ్ రసావతరంగా సాగుతోంది. ఈ వారం హౌస్ నుండి ఎలిమినేట్ అవ్వటానికి దాదాపు 9 మంది నామినేషన్ లో ఉన్నారు. ఈ క్రమంలో బిగ్ బాస్ బర్తడే వేడుకలు గతవారం అద్భుతంగా ఇంటి సభ్యులు జరిపించడంతో ఈ వారం.. ఇంటి సభ్యులకు కోరికలు తీర్చడానికి బిగ్ బాస్ అవకాశం కల్పిస్తూ ఉన్నారు. దీనిలో భాగంగా ఇప్పటికే సత్య, అర్జున్, ఆదిరెడ్డి వీడియో కాల్ ద్వారా తమ కుటుంబ సభ్యులను చూడటం జరిగింది.
ఇంకా గీతు రాయల్, సుదీప, బాలాదిత్య ఆడియో కాల్ ద్వారా ముచ్చటించారు. శ్రీహాన్ తన ఇంటి దగ్గర నుండి ఫుడ్డు అందుకోవటం జరిగింది. ఇనాయా తన తల్లిదండ్రుల ఫోటో గిఫ్ట్ గా తీసుకుంది. ఇంకా మిగిలి ఉన్న కంటెస్టెంట్లకు బ్యాటరీ చార్జి లేకపోవడంతో బిగ్ బాస్ హౌస్ లో గురువారం ఎపిసోడ్ ప్రోమో లో వాసంతి లేదా రోహిత్ ఇద్దరిలో ఒకరు రెండు వారాలు పాటు నేరుగా నామినేట్ అయితే 100% రీఛార్జ్ బ్యాటరీ కి ఇస్తామని ఆఫర్ ఇవ్వటం జరిగింది.
అతి కష్టమైన ఈ ఆఫర్ కి రోహిత్ డేర్ అండ్ డాష్ గా స్పందించి.. నేరుగా రెండు వారాలు పాటు నామినేట్ కావడం జరిగింది. రోహిత్ డెసిషన్ కి బిగ్ బాస్ ఆడియెన్స్ రోహిత్ అతిపెద్ద త్యాగం చేశాడని కామెంట్స్ చేస్తున్నారు. ఇదిలా ఉంటే ఆరో వారం నామినేషన్ లిస్ట్ లో రోహిత్ భార్య మెరీనా డేంజర్ జోన్ లో ఉంది. ఆరో వారం రాజ్ లేదా మెరీనా ఇద్దరిలో ఒకరు ఎలిమినేట్ అయ్యే ఛాన్స్ ఉన్నట్లు వార్తలు వస్తున్నాయి. రాజ్ మెరీనా మధ్య కొద్దిపాటి ఓటింగ్ తేడా మాత్రమే మిగిలి ఉంది.