ఎన్నికలు వాయిదా కోరుతున్న రిపబ్లికన్లు..కరోనా తగ్గాక ఎన్నికలు జరపాలంటూ ట్వీట్లు
అమెరికా అధ్యక్షుడు డొనాల్డ్ ట్రంప్ భయపడుతున్నాడు…!
నవంబర్లో ఎన్నికల నిర్వహణ జరిగితే సమస్యలు వస్తాయంటున్నాడు. మెయిల్ ద్వారా ఓటింగ్ జరపడం వల్ల ఫ్రాడ్ జరిగే అవకాశం ఉందంటూ ట్వీట్ చేశాడు. యూనివర్శల్ మెయిల్ ఓటింగ్ ద్వారా స్పష్టమైన ఎన్నిక జరిగే అవకాశం లేదని… స్పష్టమైన ఫలితం రాదని… కచ్చితత్వం ఉండదని… చరిత్రలోనే ఒక లోపభుయిష్టమమైన ఓటింగ్ జరుగుతుందంటున్నాడు. అది అమెరికా చరిత్రలోనే ఒక ఎంబరాస్మెంట్గా నిలుస్తుందని… దేశానికి చెడ్డపేరు తీసుకొస్తుందంటున్నాడు.
ఎన్నికలను వాయిదా వేయడం ద్వారా ప్రజలు ఒక పద్ధతి ప్రకారం, భద్రంగా, సురక్షితంగా ఓటు వేయోచ్చన్నాడు. జనవరి 20న కొత్త అధ్యక్షుడు పగ్గాలు చేపట్టడం అమెరికాలో అనవాయితీ. ఇందులో ఎలాంటి డిలే ఉండరాదన్నది అక్కడి నిబంధన. అమెరికాలో అంతకంతకూ పెరుగుతున్న కరోనా కేసులు నేపథ్యంలో పోస్టల్ బ్యాలెట్ ద్వారా ఓటింగ్ జరిపితే మంచిదన్న అభిప్రాయం డెమొక్రట్లతోపాటు, అక్కడ స్థానిక ప్రజల నుంచి వస్తోంది. సాధారణ ఓటింగ్ జరిగితే సోషల్ డిస్టాన్స్ మెయింటేన్ చేయడం కష్టమని… కరోనా ఉధృతి పెరుగుతుందని… కరోనాని తగ్గించడానికి పోస్టల్ బ్యాలెట్ వినియోగాన్ని పెంచాలన్న విశ్లేషణలు ఎక్కువవుతున్నాయ్. అయితే ట్రంప్ నాయకత్వం వహిస్తున్న రిపబ్లికన్ పార్టీ మాత్రం ఈ వాదనను తిప్పికొడుతోంది. ప్రత్యక్షంగా ఓటేసే పద్ధతే అమెరికాకు మంచిదని… అలాంటప్పుడే ఎన్నికలు కచ్చితంగా నిర్వహించొచ్చని రిపబ్లికన్ పార్టీ నేతలు, ప్రజాప్రతినిధులు పెద్ద ఎత్తున ప్రచారం చేస్తున్నారు. అదే సమయంలో పోస్టల్ ఓటింగ్ ద్వారా ఎన్నిక జరిగితే ఫ్రాడ్ జరిగే అవకాశముందన్న అభిప్రాయాన్ని విశ్లేషకులు కొట్టిపారేస్తున్నారు. అమెరికా ఎన్నికల చరిత్రలో ఎప్పుడూ కూడా ఇలాంటి అవకతవకలు జరగలేదన్న విషయాన్ని గుర్తుంచుకోవాలంటున్నారు. పోస్టల్ ఓటు వద్దంటూ రిపబ్లికన్లు వ్యవహరిస్తున్న తీరు రాజ్యాంగ విరుద్ధమని… ఓటర్లపై స్టెరాయిడ్లు ఉపయోగించడమేనంటూ డెమొక్రట్లు వ్యాఖ్యానిస్తున్నారు.
దేశంలో పోస్టల్ ఓటింగ్ జరిగితే అమెరికాలో మరెవరూ కూడా రిపబ్లికన్ అధ్యక్షుడు అయ్యే ఛాన్స్ ఉండదంటూ ట్రంప్ ఓపెన్గానే వ్యాఖ్యానిస్తున్నారు. మొత్తంగా తన ఎన్నికకు సంబంధించి జరగబోయే ఓటింగ్ విషయంలో ట్రంప్ భయంకరమైన గందరగోళంలో ఉన్నారు. గతంలో రష్యా ప్రభావం వల్లే ఎన్నికల్లో ట్రంప్ విజయం సాధించారని, హిల్లరీ క్లింటన్ గెలవకుండా కుట్ర చేశారన్న విమర్శలు ఎక్కడ వెల్లువెత్తాయ్. తాజాగా ఇప్పుడు దేశంలోనే ఓటింగ్ జరిగినా… ఆ ఓటింగ్ లోపభుయిష్టంగా జరుగుతుందంటూ ట్రంప్ ఆందోళన వ్యక్తం చేస్తుంటే… మరోసారి అధ్యక్షుడిగా ఆయన గెలవడం అనుమానమే అనుకోవాలి.