Samantha: నాగచైతన్య తో విడాకులు తీసుకున్న తర్వాత సమంత వరుస పెట్టి ప్రాజెక్టులు ఓకే చేస్తున్నారు. బాలీవుడ్ అదేవిధంగా సౌత్ ఫిల్మ్ ఇండస్ట్రీలో తనదైన శైలిలో రాణిస్తున్నారు. ముఖ్యంగా బాలీవుడ్ ఇండస్ట్రీలో ఫ్యామిలీ మాన్ 2 అనే వెబ్ సిరీస్ తో… సమంత తనకంటూ సపరేట్ గుర్తింపు దక్కించుకుంది. రాజీ అనే ఏల్ టిటి రెబల్ పాత్రలో… సమంత ఇట్టే ఒదిగిపోయింది. దీంతో బాలీవుడ్ ఇండస్ట్రీలో సామ్ కి వరుసపెట్టి ఆఫర్లు వస్తున్నాయి.
ఈ క్రమంలో “ఫ్యామిలీ మాన్” సిరీస్ తెరకెక్కించిన రాజ్ అండ్ డీకే దర్శకత్వంలో మరో వెబ్ సిరీస్ లో సమంత నటించడానికి గ్రీన్ సిగ్నల్ ఇవ్వటం జరిగింది. స్పై థ్రిల్లర్ యాక్షన్ ఎంటర్ టైనర్ గా రూపొందుతున్న ఈ వెబ్ సిరీస్ లో… బాలీవుడ్ టాప్ హీరో వరుణ్ ధావన్ హీరోగా నటిస్తున్నారు. కాగా ఈ వెబ్ సిరీస్ కు సంబంధించి ప్రీ ప్రొడక్షన్ పనులు జరుగుతున్నాయి. ఈ క్రమంలో ఈ వెబ్ సిరీస్ కు సంబంధించి నటీనటులు తాజాగా ముంబై లో రాజ్ అండ్ డీకే నివాసంలో సమావేశమయ్యారు.
డైరెక్టర్ మరియు ప్రొడ్యూసర్ అదే విధంగా హీరోయిన్ సమంత మరియు హీరో వరుణ్ ధావన్ పాల్గొనడం జరిగింది. సమావేశం అనంతరం సమంత బయటకు వెళ్లి పోతున్న సమయంలో ఒక్కసారిగా అభిమానులు మరియు మీడియా ప్రతినిధులు అంతా చుట్టుముట్టడంతో.. ఫోటోలు తీయడానికి ఎగబడటంతో.. అక్కడ సెక్యూరిటీ ఎవరూ లేకపోవడంతో వరుణ్ ధావన్… సమంతాకి బౌన్సర్ గా నిలిచి అండగా ఉన్నాడు. చుట్టుముట్టిన అభిమానులను మరియు మీడియా ప్రతినిధులను …హేయ్..హేయ్.. జరగండి..జరగండి. ఎందుకు ఆమెను అలా భయపెడుతున్నారు? భయపెట్టకండి ఆమెను’ అంటూ రిక్వెస్ట్ చేశాడు. ఆ తర్వాత సమంత సేఫ్ గా కార్ ఎక్కి వెళ్ళిపోయింది. ప్రస్తుతం ఈ వీడియో సోషల్ మీడియా లో వైరల్ అవుతుంది. నిజంగా వరుణ్ రియల్ హీరో అంటూ.. నెటిజన్లు కామెంట్లు చేస్తున్నారు.